S.G.Verkstæði á Borðeyri þjónustar vegfarendur í Strandasýslu,Húnavatnssýslum og víðar þegar bílar bila og verða stopp.
Einnig lögregluna á þessum svæðum þegar umferðaóhöpp verða,fjarlægja tjóna bíla og hreinsa vettvang.
S.G.Verkstæði er í samvinnu við félag íslenskra bifreiðaeigenda um þjónustu og sambærileg félög í Evrópu um flutning á bílum og mótorhjólum á verkstæði.
Fluttir hafa verið bílar á Norrænu og í skip í Reykjavík þegar þeir hafa bilað illa eða orðið ónýtir eftir umferðaóhöpp.
Dráttarbílaþjónusta hefur verið óslitið á Borðeyri í rúm tuttugu ár

Hér kemur yfirlitið frá SG Verkstæði vegna umferðaróhappsins í Kaldbaksvíkurkleyf á sumardaginn fyrsta 22 apríl síðastliðin:
"Um hálf átta leitið í gærkvöldi, sumardaginn fyrsta, kom útkall frá lögreglunni á Hólmavík. Bíll með kerru aftan í hafði farið útaf í Kaldbaksvíkinni og sagði lögreglan aðstæður vera vægast sagt skuggalegar. Ökumaðurinn bílsins náði ekki að komast upp bratta brekku í þröngum sneiðing sem þarna er undir björgunum, bíllinn varð sem sagt stopp í hálkunni og fór þegar í stað að renna afturábak og stjórnlaust hafnaði bíllinn, kerran og fólkið sem í bílnum var útaf veginum og niður nánast þverhnípta og grýtta brekkuna ofan í fjöru. Það varð ökumanni og farþega til happs að bíllinn hélt hjólunum niður og sluppu þau með skrekkinn. Aðstæður til björgunar voru erfiðar, því miður voru keðjurnar á kranabílinn heima, en þær hafa ekki verið teknar til brúks þennan veturinn þar sem varla er hægt að segja að vetur hafi komið þennan veturinn helst kannski á austfjörðum og Þröskuldum. Mikil hálka var þarna í brekkunni og þurfti að skorða kranabílinn vel af áður en verkið hófst. Vel gekk að spila bæði bíl og kerru upp á veginn og var bíllinn ökuhæfur aðeins eitt dekk ónýtt auk smá pústra, en beislið brotnaði á kerrunni. Ökumaður bílsins gat haldið sína leið á bílnum en kerran var dreginn að Hólmavík á kranabílnum og lauk túrnum um kl tvö í nótt".
Hér má sjá allar myndir sem Sveinn Karlsson hjá SG Verkstæði á Borðeyri hefur leyft vefnum Litlahjalla að birta.
Innskot fréttamanns Litlahjalla:Hér og enn sannast að þar sem Guðmundur hinn Góði Biskup ,hefur vígt erfiða ferðavegi landsmanna á Vestfjörðum verða ekki alvarleg slys á fólki,hvernig sem þau verða,Guðmundur hinn Góði blessaði og vígði margar ófærurnar á Ströndum og víðar á Vestfjörðum!

Nú er komið að árlegum vortónleikum Tónskólans á Hólmavík, en þeir verða haldnir í Hólmavíkurkirkju í dag 4.maí  og á morgun miðvikudag 5. maí.Tónleikarnir hefjast bæði kvöldin kl. 19:30 og þar munu nemendur Tónskólans láta ljós sitt skína, spila á hin ýmsustu hljóðfæri og syngja af list. Kennarar við Tónskólann á Hólmavík í vetur hafa verið Bjarni Ómar Haraldsson, Stefán Steinar Jónsson, Barbara Guðbjartsdóttir og Viðar Guðmundsson. 
Þetta kemur fram á strandir.is.

Í vikunni sem var að líða var tilkynnt um tvö umferðaróhöpp í umdæmi lögreglunnar á Vestfjörðum.Um miðnætti aðfaranótt s.l. föstudags var tilkynnt að jeppabifreið hefði verið ekið utan í vegg  í  Vestfjarðargöngunum, Önundarfjarðarmegin. Ekki urðu slys á fólki,en talsvert eignartjón,bifreiðina þurfti að fjarlægja með krana,einhverjar tafir urðu á umferð vegna óhappsins,en óverulegar þó.Þá barst tilkynning til lögreglu á föstudag  að bíll hefði farið útaf á Steingrímsfjarðarheiði,ekki hefði verið um slys á fólki að ræða og litlar skemmdir.Ökumaður var aðstoðaður við að koma bíl sínum upp á veg.

13 ökumenn voru stöðvaðir fyrir of hraðan akstur í umdæminu í liðinni viku,allir í nágrenni við Hólmavík.Sá sem hraðast ók,var mældur á 132 km/klst.,þar sem leyfður hámarkshraði er 90 km/klst. Á þessum árstíma er alltaf eitthvað um að grjót hrynji á þjóðvegina og bárust tvær tilkynningar til lögreglu um grjóthrun,önnur var á Djúpvegi,Óshlíðarvegi og hin í Arnarfirði  nálægt Mjólkárvirkjun.

Veðrið í Apríl 2010.

Yfirlit yfir veðrið frá Veðurstöðinni í Litlu-Ávík.

Mánuðurinn var nokkuð umhleypingasamur fyrstu sex dagana,hvassviðri var af Norðvestri með snjókomu þann sjötta.Síðan suðlægar vindáttir með þíðviðri fram til 15.Síðan nokkrir umhleypingar  aftur fram til 20.Enn síðan mest Norðaustlægar vindáttir út mánuðinn og fremur svalt í veðri.

Mjög snjólétt var í mánuðinum.

Mánuðurinn var úrkomulítill.

 

Yfirlit dagar vikur:

Meira

Á þriðjudaginn 27 apríl voru menn frá Símanum hér í Árneshreppi að setja upp loftnet fyrir 3.G síma og háhraðanetið á endurvarpstöðina á Kjörvogi og sem sendir líka til Djúpavíkur.

Viðkomandi stjórnbúnaði var komið fyrir í aðalfjarskiptastöðinni í Reykjaneshyrnu(Litlu-Ávík)þaðan er samband í gegnum línu í endurvarpstöðina við Kjörvog og loftnet þar sem endurvarpar 3.G sambandinu inn með öllum Reykjarfirði og til Djúpavíkur.

Nú er því komið 3.G farsímasamband inn með öllum Reykjarfirði og uppá Veiðileysuháls.

Enn er eftir að setja upp móttökuloftnet fyrir háhraðanetið á Kjörvogi og Djúpavík.

"Í tilkynningu frá Margréti Stefánsdóttur Forstöðumanns Samskiptasviðs Símans segir að teymi Símans sé að klára Suðurlandið,enn að á næstu 2 vikum verði farið að tengja þarna til þess að hægt sé að nýta þjónustu Símans með þráðlausa 3G,og settur upp endabúnaðurinn hjá notendum.Viðskiptavinir fá að jafnaði uppsetningu og notendabúnað innifalið í tengingu sinni".

Ferðamálasamtökin hafa opnað sölusíðu sem er sérstaklega ætluð endursöluaðilum göngukortanna sem samtökin hafa gefið út undanfarin ár. Þar geta allir sem hyggjast hafa þau til sölu í sumar gengið frá pöntun í ró og næði heima við eða á skrifstofunni. Göngukortin eru sjö og ná eins og kunnugt er yfir allan Vestfjarðakjálkann auk Dalasýslu. Hægt er að nálgast sölusíðuna af heimasíðu Ferðamálasamtakanna á. Þessi kort ættu að vera til sölu á sem flestum stöðum í fjórðungnum en þau taka yfir 300 göngu- og reiðleiðir. Hægt er að kíkja á nýju sölusíðuna með þvi að smella hér.Ferðaþjónustuaðilar mættu hvetja verslanir og aðra þjónustuaðila sem taka á móti ferðafólki á hverju svæði fyrir sig að hafa þessi vönduðu göngukort í sölu hjá sér.

Hægt er að smella á sölusíðuna hér.

Vortónleikar Kórs Átthagafélags Strandamanna verða haldnir í Seljakirkju sunnudaginn 2. maí kl. 17:00.
Stjórnandi Krisztina Szklenár.

Einnig koma fram á tónleikunum Samkór Mýramanna undir stjórn Jónínu Ernu Arnardóttir

Miðaverð 1.800 kr,. fyrir fullorðna, frítt fyrir 14 ára og yngri.

Færanlega skoðunarstöð Frumherja hf. verður staðsett á Hólmavík frá mánudeginum 3 maí  til föstudagsins 7 maí.
Samkvæmt auglýsingu frá Frumherja er færanlega skoðunarstöðin nú beintengd við ökutækjaskrá og því hægt að afla allra upplýsinga og ganga frá viðskiptum eins og í fastri skoðunarstöð.
Tekið er á móti öllum greiðslukortum(kredit og debet),hvort tveggja er háð því að GSM samband sé í lagi.
Mælst er til þess að menn komi með ökutæki með númer sem enda 1 til 7 í fyrri ferð,en í seinni ferð sem fyrirhuguð er 7 til 8 september með endastafi 8,9,eða 0.
Frumherji hf. vill benda viðskiptavinum sínum á skoðunarstöðina í Búðardal þar er skoðað 10 sinnum á ári 2 daga í senn,tímapantanir eru í síma:570-9090.
Sími í færanlegu skoðunarstöð Frumherja er 854 4507.

Námskeið um próftækni og prófkvíða verður haldið á Hólmavík á mánudaginn kemur, kl 17-20. Fjallað verður um mismunandi gerðir prófa s.s. ritgerða/ krossapróf og hvað þarf sérstaklega að hafa í huga við hverja prófgerð. Skoðaðar verða mismunandi aðferðir við prófundirbúning s.s. lestraraðferðir tímaskipulagningu og sjálfsmat m.a. með vinnu við kortlagningu hvers og eins í gegnum svokallaðan námshring. Einnig verður leitast við að greina helstu orsakaþætti prófkvíða og leiðir til að ráðast gegn honum. Björn Hafberg náms- og starfsráðgjafi kennir á námskeiðinu sem verður haldið í Þróunarsetrinu á Hólmavík að Höfðagötu 3. Einnig verður hægt að fá einstaklingsviðtöl í náms- og starfsráðgjöf þennan dag og eru tímapantanir hjá Birni í síma 8990883.

 

Landpósturinn í Árneshreppi fór í talsvert lengri póstferð í dag en venjulega.

Ekkert var flogið til Gjögurs í gær sem var áætlunardagur og ekki stóð til að fljúga í dag vegna þess að Reykjavíkurflugvöllur var lokaður vegna öskuskýja í háloftum vegna gossins í Eyjafjallajökli.

En síðan var flogið seinnipartinn í dag.

Enn ákveðið var af Íslandspósti seint í gær að senda póstinn sem fer í Árneshrepp með póstbílnum sem fer með póstinn til Hólmavíkur og til Ísfjarðar síðastliðna nótt.

Enda var þetta orðin rúmlega vikugamall póstur,því engin póstur kom á sumardaginn fyrsta.

Jón Halldórsson póstur á Hólmavík kom svo á móti norðanpóstinum og mættust þeir í Bjarnarfirði.Þar var skipts á pósti og síðan þurftu nafnarnir og póstarnir Jón Halldórsson og Jón G Guðjónsson að rabba saman í smástund og tóku síðan myndir hvor af öðrum.