Fimm verkefni fengu milljón í styrk frá Menningarráði Vestfjarða.

Fyrri styrkúthlutun Menningarráðs Vestfjarða árið 2010 fór fram við hátíðlega athöfn á Skrímslasetrinu á Bíldudal þann 15. maí kl. 15:00. Flutt var tónlist og haldin erindi, Skrímslasetrið kynnt og skoðað, auk þess sem styrkvilyrði voru afhent og að sjálfsögðu var boðið upp á kaffi og vöfflur á eftir. Umsóknir til Menningarráðsins að þessu sinni voru 78 talsins, en alls fengu 34 verkefni stuðning að upphæð 15 milljónir samtals. Þeim fækkaði þó um eitt áður en að úthlutun kom, því einn styrkurinn var afþakkaður þar sem forsendur fyrir verkefninu höfðu breyst og það var ekki lengur framkvæmanlegt. Aftur verður auglýst eftir styrkumsóknum í haust.

Eftirtaldir aðilar og verkefni fengu stuðning frá Menningarráði Vestfjarða í maí 2010:

Meira

Kuldakast hefur staðið yfir í nokkra daga,hiti frá fimm stigum niðrí eitt stig.

Þriðjudaginn 14 snjóaði í fjöll allt niðrí 300 metra og í morgun voru fjöll alhvít.

Og í Norðurfirði er alhvítt að sjá niðrí sjó þegar skyggni leifir að sjáist þangað,enda er slydda og hiti rétt yfir einu stigi í morgun.

Ekki lítur út fyrir að hægt sé að láta lambfé út alveg næstu daga,enn spáð er eitthvað hlýnandi veðri þegar kemur fram í vikuna.

Það er sjálfsagt betra að hafa þennan kulda og snjó heldur enn gosösku á jörðu.

Kór Átthagafélas Strandamanna heldur tónleika ásamt Kvennakór Suðurnesja í Duushúsi í Reykjanesbæ laugardaginn 15. maí kl. 16:00

Sjórnandi Kór Átthagafélagsins er Krisztina Scklenár og sjórnandi Kvennakórsins er Dagný Þ. Jónsdóttir.

Nú er sauðburður að skella á að fullu,fyrsta ærin bar tveim lömbum aðfaranótt mánudagsins 10 maí,og vefstjóri Litlahjalla komin í sauðburð hjá Sigursteini Sveinbjörnssyni bónda í Litlu-Ávík ásamt kaupakonu,þannig að vaktir skiptast á þrjár manneskjur,en um 240 ær og gimbrar eru með lömbum,en mjög lítið er gelt miðað við talningu fósturvísa í vetur.Það var eitthvað sérstakt í fyrra hversu margar lambgimbrar voru geldar.

En sem betur fer virðist ætla að viðra vel til að setja lambfé snemma út.

Undirritaður hefur verið að vinna á túnum (slóðadraga)húsdýraáburðinn sem borinn var á tún síðastliðið haust en engin húsdýraáburður var settur á tún 2008 og var þetta því mikið magn og þurfti að slóðadraga næstum öll tún í Litlu-Ávík og á hjáleigunni á Reykjanesi,undanfarna daga.

Einnig hefur þurft að umfelga,setja sumardekk undir nokkra bíla hér í sveitinni.En hjólbarðaþjónusta er í Litlu-Ávík.

Þannig að nú frá því að sauðburður er komin á fullt verður lítið skrifað á vefinn Litlahjalla.

Nú er Kaupfélag Steingrímsfjarðar á Hólmavík farið að láta keyra tilbúna áburðinum til bænda í Árneshreppi.

Áburðurinn kom með skipi til Hólmavíkur 27 apríl síðastliðinn.

Þetta er þriðja árið sem áburðinum er keyrt frá Hólmavík.

Áður kom áburðurinn alltaf með skipum til Norðurfjarðar en nú er sá tími liðin tíð.

Eini plúsinn við þetta segja bændur að nú kemur áburðurinn beint heim á hlað til þeirra.

Eitt umferðaróhapp var tilkynnt til lögreglu í síðustu viku.Föstudaginn 7. maí varð bílvelta á Innstrandarvegi skammt vestan við Broddanes,þar hafnaði bifreið út fyrir veg og valt eina til tvær veltur.Ökumaður og fjórir farþegar voru fluttir á Heilsugæslustöðina á Hólmavík,til skoðunar. Bifreiðin var óökuhæf og flutt af vettvangi með krana.

Þá voru átta ökumenn stöðvaðir fyrir of hraðan akstur í umdæminu.Þrír voru stöðvaðir í og við Ísafjarðarbæ,einn á Patreksfirði og fjórir í nágreni við Hólmavík.Sá sem hraðast ók,var mældur á 126 km/klst, þar sem leyfður hámarkshraði er 90 km/klst.

Tvö vinnuslys voru tilkynnt til lögreglu bæði í Strandasýslu,annað slysið varð með þeim hætti að sjómaður á grásleppubát flækti annan fótinn í tógi, þegar verið var að leggja netin og kastaðist  fyrir borð. Félagi mannsins náði honum fljótlega um borð aftur.Sá sem í sjóinn fór kenndi sér eymsla í fæti og fór í skoðun á Heilsugæslustöðina á Hólmavík.Þriðjudaginn 4. maí  tilkynnt um að refaskytta hefði dottið og fótbrotnað rétt innan við Hólmavík og var hann fluttur á Heilsugæslustöðina og í framhaldi af því með sjúkraflugi til Reykjavíkur til frekari skoðunar.

Skömmu fyrir kl. 03:00 aðfaranótt 10. maí  var tilkynnt um eld við Vaxon-húsið í Bolungarvík.Vaxon-húsið stendur við Aðalstræti.Þar var eldur í gúmbát.Þegar lögregla kom á vettvang var búið að slökkva eldinn.Ljóst er að kveikt hefur verið í bátnum og biður lögregla alla þá sem einhverjar upplýsingar kunna að hafa, eða hafa orðið varir við mannaferðir við húsið, um þetta leyti,að láta lögreglu vita.Sími lögreglunnar á Vestfjörðum, varðstofa Ísafirði er 450-3730.

Þá tók lögregla,ásamt viðbragðsaðilum á norðan verðum Vestfjörðum,þátt í viðamikilli björgunaræfingu á Ísafjarðarflugvelli s.l. laugardag. Æfingin þótti takast með ágætum og voru allir viðbragðsaðilar ánægðir með sinn þátt.

Vegagerðin á Hólmavík byrjaði að hefla veginn norður í Árneshrepp í síðustu viku og eru í þessari viku að klára að hefla innansveitar hér í hreppnum.

Þetta er óvenju snemma í ár enda veður verið með eindæmum gott í vor,vegir hafa snemma þornað upp og ekkert var um aurbleytur á vegum í vor.

Nú á dögunum var samið við Strandafrakt á Hólmavík að taka póstinn þaðan á miðvikudögum til Norðurfjarðar þegar áætlunarferðir Strandafraktar hefjast í byrjun júní.

Enn pósturinn kemur með póstbílnum til Hólmavíkur sem fer svo vestur til Ísafjarðar aðfaranótt miðvikudags,þannig að Árneshreppsbúar fá því tveggja daga póst með þessari ferð.

Að sögn Hannesar Guðmundssonar Forstöðumanns Rekstrarþróunar Íslandspósts var samið við Strandafrakt um þessa þjónustu í þrjá mánuði í sumar það er júní,júlí og ágúst.

Kristján Guðmundsson hjá Strandafrakt og einn aðaleigenda,hefur staðfest þetta við vefinn Litlahjalla.is.

Þannig að póstur til Árneshrepps mun í sumar berast bæði lofleiðis og landleiðis,það er að á mánudögum mun póstur koma með flugfélaginu Erni til Gjögurs,en flugfélagið Ernir munu fljúga þangað einungis á mánudögum í sumar eftir ákvörðun samgönguráðuneytis um niðurskurð á þjónustu í sumar í júní-júlí og ágúst,eftir það verður flogið með hefðbundnum hætti aftur í september það er tvær ferðir í viku.

Póstdreifing innan hreppsins verður eins á mánudögum og verið hefur,það er pósti dreift norður til Norðurfjarðar,en á miðvikudögum verður pósti dreift líklega öfuga leið,það er frá Norðurfirði og til Kjörvogs,enn ekki er alveg búið að ákveða það,því bíll Strandafraktar er á mismunandi tímum á Norðurfirði á miðvikudögum. 

Rafmagn verður tekið af í sveitarfélaginu Árneshreppi kl eitt í dag svona í fjóra til fimm tíma í mesta lagi.

Enn vinnur Orkubú Vestfjarða á Hólmavík að viðhaldi á raflínum og bindingum á staurum á Trékyllisheiði.

Nú er þetta síðasta lotan í bili vegna vinnu á Trékyllisheiðinni,Orkubúsmenn eru að nota snjóalög sem eru enn fyrir hendi á  heiðinni svo betra sé að komast um þar við vinnu sína.

Smá hugleiðing frá Sveini Karlssyni hjá S.G Verkstæði um veginn norður í Árneshrepp:

Það má teljast með ólíkindum að einhver þurfi að búa við slíkar aðstæður eins og eru þarna við Kaldbakshornið, það væri fróðlegt að vita hvað mönnum fyndist um það ef svona aðstæður væru t.d. á leiðinni austur fyrir fjall eins og Strandamenn í Árneshreppi þurfa að búa við ef þeir þurfa að aka út úr sveitafélaginu. Svarið væri sjálfsagt eitthvað á þá leið að þar er nú margfalt meiri umferð og myndi aldrei ganga, en þá spyr ég hafa ekki allir sama rétt til að halda lífi.
Segir Sveinn í hugleiðingu sinni.