Annar saumaklúbbur vetrarins var haldinn í gærkvöld í skólastjóríbúð Finnbogastaðaskóla hjá þeim Elínu Öglu Briem og Hrafni Jökulssyni og er þetta fyrsti saumaklúbbur þeirra hjóna.
Eins og vanalegu voru konur við hannyrðir enn karlar spiluðu vist eða bridds.
Eftir hið frábæra kaffihlaðborð um miðnættið var tekið í spil aftur og eða spjallað saman.

Nú á nýju ári í janúar hefur frekar lítið verið að ske á Finnbogastöðum.

En á mánudaginn var kom Ástbjörn Jensson smiður og ætlaði að klára að setja kjöljárnið en ekki viðraði til þess nú frekar en fyrir jól.

Nú er búið að einangra öll loft,enn útveggir komu einangraðir.

Ási fór því í það að setja lagnagrindur í loft og fleira innivið.

Þórólfur Guðfinnsson er farin að leggja rafmagnsrör í loft og dósir.

Einnig er Guðmundur Þorsteinsson og Þorsteinn sonur hans að vinna við þetta inni.

Ástbjörn og Þorsteinn fara aftur suður á mánudaginn 26.Og Ásrbjörn er þá þar með hættur störfum á Finnbogastöðum.

Fréttavefurinn Litlihjalli mun segja frá því sem gerist eins og á liðnu ári,en nú er ekki svo miklar breytingar á byggingunni eins og var í haust,en það verður sagt frá þegar verður farið að stúkka í sundur í herbergjaskipan,og þegar við á.

Margir hafa sent vefnum tölvupósta hvort ég væri hættur að segja frá á Finnbogastöðum,en það er öðru nær,en það verður þá að vera eitthvað til að segja frá.

Hér fyrir neðan kemur tafla yfir vöru og póstflutninga til og frá Gjögurflugvelli á árunum 1994 til 2008 allt er sett hér upp í kílóum.

1994= kg 19.392.Breyting milli ára í prósentum.

1995= kg 21.224.----------------------.+ 9,4%

1996= kg 19.120.----------------------.-  9,9%

1997= kg 21.965.----------------------.+14,9%

1998= kg 35.268.----------------------.+60,6%

1999= kg 34.481.----------------------.-  2,2%

2000= kg 30.067.----------------------.-12,8%

2001= kg 23.034.----------------------.-23,4%

2002= kg 34.789.----------------------.+51,0%

2003= kg 31.190.----------------------.-10,3%

2004= kg 37.556.----------------------.+20,4%

2005= kg 30.361.----------------------.-19,2%

2006= kg 36.862.----------------------.+21,4%

2007= kg 28.634.----------------------.-22,3%

2008= kg 28.381.----------------------. - 0,9%

Hér er sjálfsagt mesti vöruflutningurin vegna Kaupfélagssins á Norðurfirði enn allur flutningur til kaupfélagssins kemur með flugi frá nóvember og út maí mánuð ár hvert.

Síðan er vægi póstsins talsverður í þessum flutningum og fragt fyrir einstaklinga.

Heimild er frá Flugstoðum,Guðbirni Charlessyni umdæmisstjóra flugvalla á Vestfjörðum.

Það tókst að fljúga á Gjögur seinnipartinn í dag enn ekki var hægt að fljúga í gær vegn hvassviðris.
Vind fór að lægja strax í morgun en þá dimmdi mikið þegar gerði súld og rigningu,síðan bætti í vind aftur og þá batnaði skýjahæð þannig að flug tókst.

Sjúkraflug frá Gjögurflugvelli var sem hér segir frá árunum 2005 til 2008.

2005 var ekkert sjúkraflug.

2006 var 1 sjúkraflug.

2007 var 1 sjúkrafug einnig.

2008 voru 2 sjúkraflug.

Heimild Flugstoðir.

Hér í töflunni fyrir neðan er farþegaflutningur á Gjögurflugvöll frá árinu 1995 til ársins 2008.

Og er átt við heildarfarþega sem fóru um völlinn komu og brottfarafarþega.

1994= 757-farþegar.

1995= 769----------.Breyting milli ára.=+1,6 %

1996= 566-----------.---------------------.= -26,4%

1997= 629-----------.---------------------.= +11,1%

1998= 587-----------.---------------------.=  - 6,7%

1999= 492-----------.---------------------.=-16,2%

2000= 535-----------.---------------------.= +8,7%

2001= 382-----------.---------------------.= -28,6%

2002= 493-----------.---------------------.=+29,1%

2003= 459-----------.---------------------.=  - 6,9%

2004= 610-----------.---------------------.=+32,9%

2005= 544-----------.---------------------.=-10,8%

2006= 392-----------.---------------------.=-27,9%

2007= 324-----------.---------------------.=-17,3%

2008= 405-----------.---------------------.=+25,0%

Fæstir farþegar virðast fara um völlinn á árunum 2001,2006 og 2007,hvort það sé útaf því að vegir séu oftast færir yfir vetrartímann og það gæti verið skýring þótt hún sé ekki könnuð til hlítar.Eða færri ferðamenn yfir sumartíman sem koma með flugi.

Guðbjörn Charlesson umdæmisstjóri flugvalla á Vestfjörðum sendi vefnum Litlahjalla upplýsingarnar um farþegafjölda á Gjögurflugvöll.

Flugfélagið Ernir hafa nú aflýst flugi til Gjögurs í dag vegna hvassviðris vindur er nú af NA frá 19 m/s uppí 26 m/s í kviðum,og alltaf er að dimma meir og meir.
Nokkrir farþegar bíða eftir flugi fyrir sunnan til Gjögurs.
Ekki  lítur vel út með flug á morgun eftir veðurspá,en spáð er hvassviðri áfram með ofankomu,en flug á Gjögur verður athugað á morgun.

Tillaga samgöngunefndar til stjórnar Fjórðungssambands Vestfirðinga  um ályktun um vegaframkvæmdir á Vestfjörðum, samþykkt á fundi 13. janúar 2009.

 

Samgöngunefnd Fjórðungssambands Vestfirðinga vekur athygli á stöðu framkvæmda í vegamálum á Vestfjörðum.

 

Vestfirðingar hafa um áratugaskeið beðið eftir að lokið væri uppbyggingu
nútíma vegasamgangna innan fjórðungsins og tengingu við aðra landshluta.  Í gildandi vegaáætlun 2007-2010 og í mótvægisaðgerðum ríkisstjórnar vegna þorskaflasamdráttar, mátti loks sjá fyrir endann á helstu verkefnum. Vegna stöðu efnahagsmála þurfa stjórnvöld að skera niður í öllum málaflokkum og ljóst að nýframkvæmdir í vegagerð munu dragast saman.  Því verður að leggja höfuðáherslu á það við ákvarðanir um vegaframkvæmdir næstu tvö árin að byggja upp þá hluta vegakerfisins sem setið hafa á hakanum um mörg undanfarin ár og standa langt að baki vegum í öðrum landshlutum. 

Meira

Á fundi stjórnar Fjórðungssambands Vestfirðinga þann 14.janúar 2009 var eftirfarandi ályktun samþykkt:

 

Stjórn Fjórðungssambands Vestfirðinga óskar eftir endurskoðun á reglum um snjómokstur Hrafnseyrarheiði og Dynjandisheiði og vegarins norður í Árneshrepp.  Horfa þarf til tíðarfars á vetrum fremur en dagsetningar að hausti og vori, því oft þarf lítið til að halda opnum þessum leiðum lengur en snjómokstursreglur segja til um.

 

Stjórn Fjórðungssambands Vestfirðinga vill benda á að Vestfirðir eru  á margvíslegan hátt ein stjórnsýslueining af stjórnvalda hálfu og hefur sameiginlegum málaflokkum fjórðungsins verið að fjölga.  Einnig má nefna að  opinberar þjónustu- og rannsóknarstofnanir þurfa að senda starfsmenn á milli svæða reglulega árið um kring auk þess sem fyrirtæki eru að reyna að bjóða þjónustu á fleiri en einu svæði.  Þeir sem leið eiga milli suður- og norðursvæðis Vestfjarða þurfa í dag að aka um 1200 kílómetra, fram og til baka, til að geta sótt og sinnt þjónustu milli þessara svæða.  Það er því ekki óeðlilegt að óskað sé eftir að reglubundinn snjómokstur sé tryggður eins og kostur er, sem og nauðsynlegt fjármagn.  Að öðrum kosti eru stjórnvöld komin í mótsögn við eigin stefnu og framtíðarsýn fyrir svæðið. Svipað á við  um Árneshrepp, en íbúar hreppsins geta ekki nýtt sér landsamgöngur stóran hluta ársins.

Núna er sá tími sem erlendar ferðaskrifstofur eru að taka við bókunum frá sýnum viðskiptavinum í ferðir til Íslands næsta sumar. Þær fréttir sem berast frá markaðinum, eru að bókanir ganga misvel, sumstaðar vel, en annarsstaðar fara bókanir hægar af stað en oft áður.

Núna er enga að síður mikilvægt að halda Vestjförðum á lofti við erlendar ferðaskrifstofur. ég hvet því alla ferðaþjóna sem eru, eða hafa verið í samskiptum við Ferðaskrifstofur að nota tækifærið á minna á ykkur og Vestfirði í leiðinni.

Ekki væri verra, ef það henntar í ykkar tilfellum, að minna á þjónustu Markaðsstofu Vestfjarða við erlendar ferðaskrifstofur. Markaðsstofan getur skaffað ókeypis ljósmyndir af Vestfjörðum og aðstoðað við að finna kynningarefni fyrir ferðaskrifstofur. Skipulagning á kynningarferðum til Vestfjarða eru jafnframt áhugaverður kostur fyrir ferðaskrifstofur sem vilja kynna sér Vestfirði sérstaklega með frekari viðskipti í huga.

Svo er líka mikilvægt að senda jákvæð skilaboð út á markaðinn. Að á Vestfjörðum séu allir hressir og hér komi allt til með að "fúnkera" í sumar og gott betur en það!

Markaðsstofa Vestfjarða er reglulega í sambandi við fjölda ferðaskrifstofa erlendis til að bjóða þjónustu sýna og biðja um gott veður fyrir Vestfirði. Sem dæmi um ferð sem erlend ferðaskrifstofa er selja sem inniheldur daga á Vestfjörðum er Franska ferðaskrifstofan ISLAND TOURS í frakklandi, en hér eru tvær síður úr nýjum bæklingi frá þeim.
Nánar á www.vestfirskferdamal.is