Nú á laugardaginn 13 júní munu þjóðfræðingar og sagnfræðingar vera á ferð um Árneshrepp.
Yfirskrift ráðstefnunnar að þessu sinni er „Strandhögg" en umfjöllunarefnið tengsl Íslands við umheiminn; jaðars og miðju, bæði í staðbundnu samhengi sem alþjóðlegu. Meðal annars verður vikið að blómlegri síðari alda handritamenningu á jaðri Evrópu; iðkun ímynda norðursins á erlendri grundu; iðnaði erlendra þjóða á Íslandi 17. aldar í óþökk konungs; förumönnum og þjóðfræði á mörkum mennskunnar; og framtíð fræða og lista á landsbyggðinni. Auk þess verður sagt frá þjóðfræði og sögu Stranda. Fyrirlestrarnir verða fluttir á hinum ýmsu áföngum ferðarinnar og á málþingi í Bragganum á Hólmavík á sunnudeginum.

Áhugasamir heimamenn eru hvattir til að slást í för og hlýða á og taka þátt í Strandhögginu og er þeim bent á tímaáætlun fyrirlestra á vefsíðu Þjóðfræðistofu www.icef.is. Nánari upplýsingar má einnig fá hjá Kristni Schram í síma 8661940 og dagskráin er hér að neðan.

Dagskráin er í stuttu máli þannig (tímasetningar á laugardegi geta breyst):

Meira

Nú hefur Íslandspóstur sagt upp landpóstunum tveim í Árneshreppi sem hafa séð um póstdreyfinguna í hreppnum með þryggja mánaða fyrirvara eða frá og með 31 ágúst næstkomandi.

Einnig var sagt upp dreyfingastöðvunum á Kjörvogi 522 og í Bæ 523 enn fyrirhugað er að dreyfingastöð verði áfram á Norðurfirði 524.

Það má segja að allt þetta hafi verið keðjuverkandi,því Gunnsteinn Gíslason á Norðurfirði sagði upp póstinum með þriggja mánað fyrirvara þar,en hann hefur séð um póstinn þar í fjölda ár.

Þannig að Íslandspóstur sá sér tækifæri að segja öllum upp og sameina dreyfingastöðvar í eina og þá á Norðurfirði,en fólk í sveitinni vildi hafa þá þessa einu stöð í Bæ 523 í miðsveitinni sem eðlilegast væri,enn að þessu leyti fer Íslandspóstur ekki að óskum heimamanna hné annarsstaðar á landinu.

Tilefnið er að sameina á  vöruflutninga fyrir útibú Kaupfélags Steingrimsfjarðar á Norðurfirði og póstdreyfinguna sem er tvisvar í viku ,enn vöruflutningar  frá nóvember og til maí loka koma með flugi og þá einu sinni í viku á fimmtudögum,vörufutningabíll gengur frá júní til og út október.

Póstar í Árneshreppi hafa verið  Jón Guðbjörn Guðjónsson í Litlu-Ávík og Björn Torfason á Melum og hafa verið lengi póstar í hreppnum.

MBL.ís
Árneshreppur á Ströndum er eitt fámennasta sveitarfélag landsins og því er fjölgun í hreppnum eðlilega fagnað af Oddnýju Þórðardóttur oddvita. „Unga fólkið er fullt af hugmyndum og þeirra er framtíðin. Við getum bara verið jákvæð og bjartsýn," segir Oddný, oddviti í Árneshreppi.

Ein fæðing kom af stað keðjuverkun, sem leiðir til fjölgunar og í skólanum í Trékyllisvík fjölgar um hvorki meira né minna en 50% þegar nýr nemandi byrjar í skólanum í haust. Nemendur verða þrír í stað tveggja á þessu skólaári.

Elín Agla Briem skólastjóri og Hrafn Jökulsson eignuðust stúlku 20. maí sl. Skólastjórinn verður því í barneignarfríi næsta vetur. Elísa Ösp Valgeirsdóttir frá Árnesi 2 hefur verið ráðin skólastjóri næsta skólaár. Hún flyst ásamt fjölskyldu sinni í gamla prestssetrið í Trékyllisvík í næsta mánuði, en maður hennar er Ingvar Bjarnason og börnin Kári og Þórey. Kári byrjar í skólanum í haust.
Nánar á mbl.is

Landsbyggðarráðstefna Sagnfræðingafélags Íslands og Félags þjóðfræðinga á Íslandi í samstarfi við Þjóðfræðistofu og ReykjavíkurAkademíuna.

Nú, um áratug frá fyrstu Landsbyggðarráðstefnu félaganna tveggja, er efnt til ráðstefnu með breyttu sniði í samstarfi við Þjóðfræðistofu og ReykjavíkurAkademíuna. Ráðstefnan verður haldin á Ströndum, þar sem Þjóðfræðistofa hefur höfuðstöðvar sínar, helgina 12. - 14. júní 2009. Með þátttöku heimamanna og valinkunnra fræðimanna verður lögð áhersla á framsögu á vettvangi - allt frá Konungsvörðu og norður í Krossneslaug.

Yfirskrift ráðstefnunnar að þessu sinni er „Strandhögg" en umfjöllunarefnið tengsl Íslands við umheiminn; dreifbýlis og höfuðstaðar; norðurs og suðurs; jaðars og miðju, bæði í staðbundnu samhengi sem þverþjóðlegu. Meðal annars verður vikið að blómlegri síðari alda handritamenningu á jaðri Evrópu; iðkun ímynda norðursins á erlendri grundu; iðnaði erlendra þjóða á Íslandi 17. aldar í óþökk konungs; förumönnum og þjóðfræði á mörkum mennskunnar; og framtíð fræða og lista á landsbyggðinni. Auk þess verður sagt frá þjóðfræði og sögu Stranda. Ráðstefnugestir munu gista á Hólmavík og nágrenni, en tekið verður vel á móti þeim bæði á Sauðfjársetri og Þjóðfræðistofu að ógleymdum öndvegisveitingastaðnum Café Riis. Þá verður farið í vettvangsferð norður í Árneshrepp og fluttir fyrirlestrar á hinum ýmsu áföngum ferðarinnar.

Dagskrána má sjá hér en góðir gistimöguleikar hér.

Skráning á ráðstefnuna fer fram á netfanginu irisel@hi.is. Ráðstefnugestir sjá sjálfir um að panta gistingu að eigin vali með því að hafa samband við staðarhaldara sem taldar eru upp undir gistimöguleikum. Taka þarf fram að pöntunin sé í tengslum við ráðstefnuna Strandhögg.

Verði er stillt í hóf. Þátttökugjald er 5000 kr. og eru allar rútuferðir (frá og til Reykjavíkur og á milli ráðstefnustaða) þar innifaldar.

Þessa fínu dagskrá mun enginn félagsmaður láta fram hjá sér fara - bókið strax.
Nánar á vef Þjóðfræðistofu hér.

Bændur eru nú byrjuðu að bera tilbúin áburð á tún nú í vikunni sumir eru að byrja aðrir langt komnir.
Tún virðast koma nokkuð vel undan vetri,en þurrt hefur verið í veðri það sem af er mánuði en þokuloft í gær og í morgun og nokkuð svalt.

Fréttatilkynning.

AssA, þekking & þjálfun er nýtt fyrirtæki í Trékyllisvík á Ströndum sem býður upp á undirbúningsnámskeið fyrir göngufólk á leið á Hornstrandir, upplifunarleiðsögn um Trékyllisvík og hópefli fyrir alla þá sem vilja eiga skemmtilegar stundir á Ströndum í sumar, hvar sem er á svæðinu frá Hólmavík norður í Ófeigsfjörð.  Þjónustan er sérsniðin að þörfum viðskiptavinarins hvað varðar áherslur, tímasetningu, tímalengd og staðsetningu.

Veganesti er undirbúningsnámskeið fyrir göngufólk á leið á Hornstrandir.  Tilvalið að staldra við þar sem vegurinn endar og óbyggðirnar taka við og undirbúa sig undir ógleymanlegt ferðalag.  Lögð er áhersla á innra ferðalagið sem á sér stað samhliða göngu um þetta einstaka svæði.  Hvernig getur þú/þið fengið sem mest út úr ferðinni?  Öðruvísi námskeið fyrir bæði byrjendur og vana. 

Meira

Nú í gær hóf Strandafrakt áætlunarferðir með flutningabíl frá Reykjavík Hólmavík-Norðurfjörður.
Bíllinn fer úr Reykjavík á þriðjudögum og þann dag til Hólmavíkur og til Norðurfjarðar á miðvikudögum.
Þessar ferðir standa út október.
Áður var bíllinn búin að koma að sækja grásleppuhrogn.

Fréttatilkynning.
Það var mikið um dýrðir í Edinborgarhúsinu á Ísafirði í gær þegar úthlutað var styrkjum til menningarverkefna á Vestfjörðum. Þetta var fjórða úthlutun Menningarráðs Vestfjarða og var nú úthlutað samtals 21 milljón til 48 verkefna af margvíslegum toga. Framlög til einstakra verkefna voru á bilinu 50 þúsund til 1,4 milljón og voru verkefni sem fengu milljón eða meira óvenjulega mörg að þessu sinni eða 7 talsins. Margvíslegt samstarf og samvinna milli einstaklinga og stofnanna, listgreina og svæða, setti svip á úthlutunina að þessu sinni og kraftmikil samstarfsverkefni eru býsna áberandi í hópi þeirra verkefna sem fengu styrki. Næst verður auglýst eftir umsóknum í haust.
Meira

Veðrið í Maí 2009.

Yfirlit yfir veðrið frá Veðurstöðinni í Litlu-Ávík.

Mánuðurinn byrjaði með suðlægum vindáttum fyrstu þrjá dagana með sæmilegum hita,síðan voru N og NA áttir fram til 9 mánaðar,með allmiklu hreti sjöunda og áttunda.

Suðlægar vindáttir frá tíunda til fjórtánda með hlýindum og snjór bráðnaði hratt á láglendi og í fjöllum.

Síðan Norðlæg eða breytilegum vindáttum og kólnaði talsvert með þokulofti og úrkomu með köflum.Það snarhlýnaði aftur þann 28 með suðlægum vindáttum út mánuðinn.

Byrjað var að setja lambfé  á tún nokkru fyrr enn í fyrra eða um 18,í stað 23 í fyrra.

Ræktuð tún farin að taka vel við sér stax um 20 og orðin vel græn um mánaðarmót,og úthagi farin að taka vel við sér.

Jörð á láglendi hefur verið talin alauð frá 10 maí,og er það þrem dögum fyrr en í fyrra.

Flekkótt fjöll eru enn í lok mánaðar.

Meira

Skákhátíð verður haldin í Árneshreppi á Ströndum dagana helgina 19. til 21. júní. Í Djúpavík verður efnt til Minningarmóts Guðmundar Jónssonar í Stóru-Ávík og hraðskákmót haldið í Kaffi Norðurfirði.

Skákfélagið Hrókurinn stendur að hátíðinni í Árneshreppi, annað árið í röð. Í fyrra sigraði Helgi Ólafsson stórmeistari á vel skipuðu og skemmtilegu atskákmóti í Djúpavík.

Tíu umferðir verða tefldar á Minningarmóti Guðmundar Jónssonar, þar af fjórar föstudagskvöldið 19. júní og sex daginn eftir. Hraðskákmót verður svo haldið sunnudaginn 21. júní.

Gestum á skákmótinu gefst kostur á að kynnast stórbrotinni náttúru og fjölbreyttu mannlífi í Árneshreppi, sem er afskekktasta sveit á Íslandi. Akstur frá Reykjavík og Akureyri tekur um það bil 5 klukkustundir.

Hægt er að panta gistingu í Hótel Djúpavík (sími 4514037), hjá Margréti á Bergistanga (sími 4514003), hjá Eddu í Norðurfirði (sími 5544089) og hjá Guðbjörgu sem leigir út svefnpokapláss og tjaldstæði hjá Finnbogastaðaskóla (sími 4514012). Einnig er hægt að fá tjaldstæði í Djúpavík. Gestir eru hvattir til að bóka gistingu sem fyrst.

Skráning á mótið er hjá Róbert Harðarsyni í chesslion@hotmail.com og síma 6969658 og Hrafni Jökulssyni í hrafnjokuls@hotmail.com og síma 6633257.

Guðmundur Jónsson (1945-2009) í Stóru-Ávík var mikill og ástríðufullur skákáhugamaður og tók meðal annars þátt í hátíðinni á síðasta ári. Hann lést 25. apríl síðastliðinn og með hátíðinni í júní vilja vinir hans og félagar heiðra minningu góðs drengs.