Hagstofa Íslands birti í morgun 22. desember, mannfjöldatölur 1.desember 2009. Íbúar á Vestfjörðum voru á þessum degi 7.363 og hafði þá fækkað um 11 frá 1. desember 2008, sem er um 0,15 % fækkun. Hlutfallsleg fækkun yfir landið í heild nemur um 0,7 %. Athygli vekur að erlendum ríkisborgurum fjölgar lítillega á Vestfjörðum á meðan þeim fækkar á landsvísu og á sama tíma fækkar lítillega íbúum með íslenskt ríkisfang á Vestfjörðum en fjölgar á landsvísu. Heilt yfir þá virðist sem hægt hafi mikið til á þeirri neikvæðu íbúaþróun á Vestfjörðum sem staðið hefur nær látlaust frá miðjum níuunda áratugnum.
Meira

Á sunnudaginn 20 desember voru fimm ár síðan vefurinn strandir.is var opnaður formlega, þann 20. desember 2004, og var þá kynntur sem jólagjöf til allra Strandamanna nær og fjær. Á þessum tíma hafa fjölmargar og fjölbreytilegar fréttir og greinar verið settar inn á vefinn og margir lagt honum lið með því að senda myndir og efni. Vefurinn er í eigu Sögusmiðjunnar og Jón Jónsson á Kirkjubóli hefur ritstýrt honum frá upphafi. Með Jóni í ritstjórn eru Sigurður Atlason og Arnar S. Jónsson.Í frétt um formlega opnun vefjarins frá 20.desember 2004 segir:
"Stefnan er að skapa skemmtilegan og spennandi fréttavef fyrir svæðið sem verður notaður sem allra víðast. Vefritið hefur sérstakan áhuga á atvinnulífi, framkvæmdum og framförum á Ströndum, eflingu byggðar og skemmtilegu mannlífi í héraðinu. Öllu því sem gerir það sérstakt og jákvætt að lifa og starfa á Ströndum eða heimsækja héraðið sem ferðamaður."
Vefstjóri Litla-Hjalla óskar þessum nágranna sínum,www.strandir.is 
til hamingju með árangurinn og afmælið.

Eftirfarandi breytingar voru gerðar á póstnúmerakerfi Póstsins þann 1. desember 2009

Póstnúmer 522 og 523 breytast í 524 Árneshreppur.

Póstnúmer 522-523 voru lögð niður. Hér eftir verður notað póstnúmerið 524. Jafnframt breytist póstáritun í 524 Árneshreppur (var áður 524 Norðurfjörður). Þar með eru öll heimili í Árneshreppi með sama póstnúmer.
Þetta er vegna þess að póststöðvarnar 522 Kjörvogur og 523 Bær voru lögð niður 1 september í haust.
Breytingar þessar hafa verið tilkynntar Þjóðskrár og eiga íbúar ekki að verða varir við neinar breytingar varðandi póstdreifingu.Íbúar eru hins vegar hvattir til að láta sendendur vita af þessari breytingu.

Tvö umferðaróhöpp urðu í umdæmi lögreglunnar á Vestfjörðum í vikunni sem leið.  Þriðjudaginn 15 des ók bifreið á grjót á Óshlíðarvegir, minni háttar skemmdir á bílnum og laugardaginn 19 des var bifreið ekið á ljósastaur á Hnífsdalsvegi, einhverjar skemmdir á bílnum, ekki slys á fólki.

Þá voru 6 teknir fyrir of hraðan akstur í vikunni.Einn var stöðvaður á Skutulsfjarðarbraut og mældist hann á 95 km/klst, þar sem leyfilegur hámarkshraði er 60 km/klst.Þá voru fimm stöðvaðir í nágrenni við Hólmavík og sá sem hraðast ók, var mældur á 114 km/klst. þar sem leyfilegur hámarkshraði er 90 km/klst.  Vill lögregla benda ökumönnum á að á þessum árstíma eru aðstæður til aksturs mjög misjafnar og breytast fljótt, hálka getur myndast á mjög stuttum tíma og enn og aftur vill lögregla benda ökumönnum og umráðamönnum ökutækja á að fylgjast með ljósabúnaði bifreiða sinna og lagfæra strax þegar ljós vantar.

S.L.Þriðjudag var tilkynnt um þjófnað úr vélbátnum Séra Jóni ÍS,þar sem báturinn stóð upp á landi í Sundahöfn við Eimskip á Ísafirði.Umræddur bátur stóð þar í tvo mánuði og var stolið úr honum rafmagnstækum, siglingatækjum, dýparmæli og fl.Þeir sem einhverjar upplýsingar geta gefið í máli þessu, eða grunsamlegar mannaferða við bátinn á umræddi tímabili vinsamlegast hafi samband við lögregluna á Vestfjörðum Ísafirði, sími 450-3730

Rætt var við nokkra ökumenn vegna ljósabúnaðar og enn og aftur vill lögregla brýna fyrir ökumönnum að hafa ljósabúnað bifreiða sinna í lagi og ekki sakar að mynnast á að ökumenn skafi af rúðum bifreiða sinna áður en lagt er af stað, eitthvað er um það að menn trassi þetta.

Á síðustu vikum hefur mikið verið um að vera við hafnarsvæðið á Hólmavík. Unnið hefur verið af kappi við grjótvarnagarð vestan við hafskipabrygguna og eins hefur verið sett uppfylling neðan við Vélsmiðjuna Vík og þar hefur á skömmum tíma risið hús fyrir nýjan fiskmarkað. Vel hefur gengið við þessar framkvæmdir allar og er unnið að þeim alla daga,segir á
www.strandir.is

Guðsþónustur um jól í Hólmavíkurprestakalli verða sem hér segir:
Hólmavíkurkirkja: Aðfangadagur jóla, kl. 18:00

Drangsneskapella: Jóladagur, kl. 13:30

Kollafjarðarneskirkja: Jóladagur, kl. 15:00

Óspakseyrarkirkja: Jóladagur, kl. 16:30

Árneskirkja: Annar jóladagur, kl. 14:00

Litlu jólin voru haldin hátíðleg í Finnbogastaðaskóla í dag og þar með eru krakkarnir komnir í jólafrí. Mikið var um dýrðir í skólanum, hangikjötsilmur var í lofti, dansað kringum jólatré, flutt leikrit og síðast en ekki síst komu galvaskir jólasveinar í heimsókn. Krakkarnir í skólanum buðu ættingjum sínum til skemmtunar og yngri börnin í sveitinni mættu að sjálfsögðu líka.

Í kvöld voru svo krakkarnir aftur í aðalhlutverki, að þessu sinni í fréttatíma Sjónvarpsins, og er óhætt að segja að þau hafi öll staðið sig þar með miklum sóma. Á spjallþráðum á netinu var haft á orði, að þetta hefði verið lang-jákvæðasta frétt sem sést hefði í langan tíma!

Ísspöng er um 50 sml norðvestur af Barða og rekur hana í suðurátt.

Sjófarendur eru beðnir um að fara að öllu með gát á svæðinu, en þar er gert ráð fyrir norðanátt um helgina og því má ætla að spöngin hreyfist áfram í suðurátt.  Eftir helgi er gert ráð fyrir norðnorðaustanátt á svæðinu.
Tvær tilkynningar hafa borist Veðurstofu Íslands frá skipum um ísspöngina í dag.
Kort frá Jarðvísindastofnun Háskóla Íslands.

Ferðamálastofa auglýsir styrki til úrbóta í umhverfismálum fyrir árið 2010. Sérstök áhersla verður lögð á verkefni tengd sjálfbærri ferðaþjónustu fyrir alla sem hafa heildrænt skipulag og langtímamarkmið að leiðarljósi.

Íslensk náttúra er eitt helsta aðdráttarafl Íslands í hugum ferðamanna. Stefna íslenskra stjórnvalda er að ferðaþjónustan í landinu starfi sem mest í anda sjálfbærni. Liður í því er markviss uppbygging og fyrirbyggjandi aðgerðir til verndunar íslenskrar náttúru.

Styrkir skiptast í tvo meginflokka:

1. STYRKIR TIL SMÆRRI VERKEFNA ER VARÐA ÚRBÆTUR Á FERÐAMANNASTÖÐUM:
Veittir verða styrkir til smærri verkefna til úrbóta í umhverfismálum. Hámarksupphæð hvers styrks verður 500 þúsund krónur og er hann ætlaður fyrir efniskostnaði. Ekki er veittur styrkur vegna vinnuframlags. Styrkþegi er ábyrgur fyrir eðlilegu viðhaldi svæðis og mannvirkja er tengjast viðkomandi verkefni eftir að framkvæmdum lýkur.

Umsókn skal innihalda:
Nánar á vef Ferðamálasamtaka Vestfjarða.

BB.ÍS
Arnór Magnússon hefur verið ráðinn umdæmisstjóri Flugstoða á Vestfjörðum frá og með 1. janúar 2010. Arnór starfaði hjá Flugstoðum frá 1984 til 2007 og vann þá í flugturninum. Síðastliðið sumar kom hann svo inn í afleysingar og er nú orðinn umdæmisstjóri. Hann segir nýja stafið leggjast vel í sig, enda sé hann á heimavelli, þótt hann hafi ekki verið þarna megin við borðið áður.
Hermann Halldórsson var settur umdæmisstjóri síðastliðið vor þegar Guðbjörn Charlesson lét af störfum, en hann hefur nú horfið til annarra starfa.
www.bb.is