25 ferðamannastaðir í  Evrópu hlutu EDEN ferðamálaverðlaunin við hátíðlega athöfn sem haldin var í Brussel í vikunni. EDEN stendur fyrir „European Destination of Excellence" en Vestfirðirnir voru meðal þeirra áfangastaða sem hlutu þann heiður að vera útvaldir, fyrstir íslenskra áfangastaða. Verðlaunin leggja áherslu á sjálfbæra ferðaþjónustu en í ár er þemað vatns- og sjávartengd ferðaþjónusta .

Það var að tilstuðlan Vatnavina Vestfjarða, samstarfshóps í heilsutengdri ferðaþjónustu, sem Vestfirðirnir taka þátt í verkefninu en í kjölfarið verður svæðinu hampað víða.

 

Verðlaunasvæðin eru valin út frá frumlegri nálgun að ferðamennsku og fyrir að starfa á sjálfbæran hátt. Þannig vill EDEN auka sýnileika afburða áfangastaða sem gjarnan eru lítt þekktir. Með því að fjölga áhugaverðum áfangastöðum í sjónlínu ferðamanna er einnig hægt að minnka álagið á ofnýttum ferðamannastöðum.

 

„Þessir 25 afburða staðir bera virðingu fyrir náttúrunni og vinna á umhverfisvænan hátt til að varðveita vistkerfið fyrir komandi kynslóðir. Þessir staðir, sem flestir eru við strandir, vötn eða ár, leggja áherslu á frumlega nálgun í vatnaferðamennsku sinni. Ekki aðeins til að koma gæðum landsins á framfæri heldur einnig til að takast á við árstíðabundin vandamál og til að koma jafnvægi á straum ferðamanna til óhefðbundinna áfangastaða," sagði Antonio Tajani, varaforseti Evrópunefndar sem fer fyrir málefnum iðnaðar og frumkvöðlastarfsemi.

Meira

Ferðamálastofa, í samvinnu við Nýsköpunarmiðstöð Íslands, Samtök ferðaþjónustunnar og Ferðamálasamtök Íslands, efnir til samkeppni um nafn á nýju gæða- og umhverfiskerfi fyrir íslenska ferðaþjónustu. Nafnið skal vera á íslensku og lýsandi fyrir verkefnið en jafnframt þjált í framburði á alþjóðavettvangi.

100.000 króna verðlaun
Vinningshafi hlýtur í verðlaun 100.000.- kr. Ferðamálastofa áskilur sér óskoraðan rétt til að nota það nafn sem hlutskarpast verður án þess að til komi aðrar greiðslur en verðlaunaféð. Ef fleiri en einn aðili eiga sömu tillögu verður vinningshafinn dreginn út.

Skilafrestur til 18 október
Keppnin er öllum opin og frestur til að skila inn tillögum er til 18. október 2010.

Tillögum skal skila, í lokuðu umslagi merktu dulnefni, til Ferðamálastofu, Geirsgötu 9, 101 Reykjavík. Í umslaginu skal vera annað lokað umslag með réttu nafni þátttakanda, heimilisfangi og símanúmeri.
Nánar á vef Ferðamálastofu.

 

Fréttatilkynning:
Þá er komið að fimmtu samkomu Jaxlanna. Fyrsta samkoman var haldin á Suðurnesjum 5. október 2002 og síðan annað hvert ár; í Stykkishólmi, á Húsavík og síðast á Hornafirði.

Öldunadeildin er hópur gamalla SVFÍ og Landsbjargarfélaga sem njóta þess að koma saman og gera eitt og annað sér og öðrum til skemmtunar.  Það er jafnframt eini tilgangur deildarinnar.

Fyrstu undirbúningsnefndina skipuðu,samkvæmt höfuðatriðabók:Guðbrandur Jóhannsson, Höfn.Magnús Ólafs Hansson, Bolungarvík.Sigfús K. Magnússon, Garði.Sigurður H. Guðjónsson, Sandgerði.

Þátttökuskilyrði eru rúm; að kannast við einhvern úr fyrstu undirbúningsnefndinni að viðbættum félögunum Baldri Pálssyni í Fellabæ, Inga Hans Jónssyni í Grundarfirði, Jóni Guðbjartssyni úr Bolungarvík, Eggert Stefánssyni frá Ísafirði, Áslaugu Þorvaldsdóttur í Borgarnesi og Hrönn Káradóttur á Húsavík.

Meira

Hugleiðing um veginn norður í Árneshrepp.

Á dögunum fór ég suður til Reykjavíkur héðan úr Árneshreppi það er svo sem ekkert í frásögur færandi,enn var þó á leiðinni að hugsa um hverslags vegi við þurfum að búa við hér norðurfrá.

-Keyrt var um Kjörvogshlíð til Reykjarfarðar um Djúpavík yfir Veiðileysuháls um veginn sem liggur um eyðibilin Byrgisvík og Kolbeinsvík til Kaldbaksvíkur,um Kaldbaksvíkurkleyf.

Þetta var hryllileg keyrsla þessi leið,vegurinn  svo holóttur að maður hélst sér fast í stýrið til að tolla í sætinu,þótt Vegagerðin myndi hefla þessa leið myndi það varla skipta máli,því hvað á að hefla þegar ofaníburðinn vantar.

Svo þegar komið er suður fyrir Kaldbaksvíkurkleyf er loks komið á veg sem er búið að byggja upp allt til Bjarnarfjarðar,þótt um malarveg sé um að ræða,og það svona sæmilegur vegur miðað við malarveg.

Enn Bjarnafjörðurinn sjálfur og Bjarnarfjarðarháls er ömurlegur vegur þótt ekki meira sé sagt,allt niður hálsinn Steingrímsfjarðarmegin að vegamótunum Drangsnes-Hólmavík,síðan kemur smá spotti malbikaður fram hjá Bassastöðum að Selá,síðan ómalbikað að Staðará,þar sem eru vegamót Steingrímsfjarðarheiði í vestri og til Hólmavíkur í suðri.

Hluta vegarins í Bjarnarfirði er búið að byggja upp en það á að skipta um brú yfir Bjarnarfjarðarbrú og breyta staðsetningu vegarins í botni Bjarnarfjarðar að Bjarnarfjarðarhálsi,og er það tilbúið á teikniborðinu og átti að bjóða út árið 2008 en þá skall bankahrunið á.
Greinina í heild má sjá hér til vinstri á síðunni undir Aðsendar greinar.

Það var heldur betur óvænt nú í miðri sláturtíð,þegar ærin Tinna á Finnbogastöðum bar tveim gimbrarlömbum,hvítu og svörtu fyrir viku síðan.

Guðmundur bóndi Þorsteinsson á Finnbogastöðum segist hafa sett ána Tinnu út í vor ásamt fleira geldfé,enda var Tinna talin geld,reyndar var hrútum þá sleppt út um sama leiti.

Það er svo sem ekki dónalegt að fá að koma í heiminn í þessum sumarhita sem er nú í september,hlýrra enn þegar hefðbundin sauðburður stendur yfir á vorin.

Í vikunni  sem var að líða var tilkynnt  um 3 umferðaróhöpp í umdæminu og voru þau öll minniháttar, litlar skemmdir á ökutækjum. 

7 ökumenn voru stöðvaðir á Djúpvegi fyrir of hraðan akstur og sá sem hraðast ók, mældist á 134 km/klst. 6 voru stöðvaðir í nágreni við Ísafjörð og 1 við Hólmavík.

Og enn er ekið á sauðfé í umdæminu og bárust 3 tilkynningar til lögreglu þar sem tilkynnt var að ekið hafi verið á lömb.

2 tilkynningar komu til lögreglu vegna skemmdarverka, þar sem  tveir bílar urðu fyrir barðinu á skemmdarvörgum. Annað tilfellið var á Ísafirði og hitt á Patreksfirði.

Í gær fór fé aftur í slátrun frá bændum í Árneshreppi,eftir síðustu leitir á innra eða syðra svæðinu 17 og 18 september,þar sem réttað var í Kjós, allt er um lömb að ræða sem fer í slátrun þessa viku yfirleitt.

Í byrjun október er áætlað að restin fari í slátrun,þá fullorðið fé og eftirstöðvar af lömbum sem fundist hafa í eftirleitum eða eftirsmölunum.

Féð fer til slátrunar bæði til Blönduós og eða Hvammstanga,eins og áður hefur komið fram hér á vefnum.

Bændur létu ómskoða féð sitt dagana 21 og 22 september,það er til að meta lömb og hrúta til ásetnings og einnig í líflambasölu í önnur héruð,enn talsvert verður um líflambasölu úr hreppnum nú.

Ekkert veður verður sent eftir kl níu í morgun frá veðurstöðinni í Litlu-Ávík og fram á laugardagsmorgun þann 25 september.

Jón G Guðjónsson fer í frí til Reykjavíkur enn kemur aftur heim vonandi seint á föstudagskvöld.

Ef allt verður eins og áætlað er ætti veðurskeyti að berast aftur kl 06:00 eða kl 09:00 á laugardagsmorgun frá Litlu-Ávík.

Eins verður ekkert um að skrifað verði á vefinn www.litlihjalli.is á þeim tíma.

Í síðustu viku gerði starfsfólk Fræðslumiðstöðvar Vestfjarða víðreist um Vestfirði. Með í för voru starfsmenn Verkalýðsfélags Vestfirðinga, Félags opinberra starfsmanna á Vestfjörðum og Starfsendurhæfingar Vestfjarða. Kynningar voru haldnar sitt hvort kvöldið á fjórum stöðum á Vestfjörðum: Reykhólum, Sævangi á Ströndum, Flateyri og Tálknafirði. Það ríkti góð stemming á þessum kynningarkvöldum þar sem hver stofnun kynnti sýna starfsemi. Auk þess voru fengnar vanar konur á hverjum stað til að halda örnámskeið í að sníða og sauma sláturkeppi. Auk þess að halda þessar kynningar var farið í heimsóknir á ýmsa vinnustaði á viðkomustöðum og heilsað upp á starfsfólk þar.
Segir í fréttatikynningu.

Fréttatilkynning:
Ný stjórn Fjórðungssambands Vestfirðinga kom saman til fundar þann 20. september s.l.. Á fundinum var kosin varaformaður stjórnar og fulltrúi stjórnar í samgöngunefnd sambandsins. Varaformaður var kjörin Friðbjörg Matthíasdóttir, Vesturbyggð og fulltrúi stjórnar í samgöngunefnd var kjörinn Sigurður Pétursson, Ísafjarðarbæ. Friðbjörg var einnig kjörin sem varamaður Sigurðar í samgöngunefnd. Fulltrúi stjórnar í samgöngunefnd verður jafnframt formaður hennar samkvæmt samþykkt 49. Fjórðungsþings Vestfirðinga, árið 2004 en þá var samþykkt að skipa nefndina sem fastanefnd.  
Nánari upplýsingar veitir formaður stjórnar Albertína F Elíasdóttir í síma 8484256.