Nokkur umferðaróhöpp urðu í liðinni viku í umdæmi lögreglunnar á Vestfjörðum. Akstursskilyrði voru misjöfn og breyttust á mjög skömmum tíma, lúmsk hálka myndaðist og víða var snjór á vegum.

Þriðjudaginn  25. jan.,hafnaði bifreið á kyrrstæðri bifreið á Sindragötu á Ísafirði, talsvert tjón á ökutækjum. Ökumaður fór á sjúkrahúsið á Ísafirði til skoðunar. Föstudaginn 28. jan. ,urðu fjögur óhöpp. Bifreið hafnaði út af veginum í Mikladal, milli Patreksfjarðar og Tálknafjarðar. Farþegi í þeim bíl fór á heilsugæslustöðina á Patreksfirði til skoðunar, um minni háttar meiðsl var að ræða. Bifreiðin óökuhæf og flutt af vettvangi með krana. Þá varð bílvelta á Djúpvegi við Reykjanes, þar slapp ökumaður án  meiðsla, en bifreiðin óökuhæf, flutt af vettvangi með krana. Þá varð óhapp á Þumlungsgötu við gamla hraðfrystihúsið á Ísafirði, þar hafnaði jeppi á ljósastaur og utan í kyrrstæðri bifreið, talsvert tjón á ökutækjum og ekki slys á fólki. Fjórða óhappið þennan dag varð síðan þegar bifreið hafnaði á umferðarmerki við gatnamót Mjósunds og Pollgötu.  Minni háttar skemmdir að ræða þar. laugardaginn 29. jan., varð árekstur á Ásgeirsgötu á Ísafiðri, þar lentu tvær bifreiðar saman, ekki um miklar skemmdir að ræða í því óhapp. Í öllum þessu óhöppum má rekja ástæður óhappanna til akstursskilyrða. 

Meira

Enn einu sinni í þessum mánuði þurfti að aflýsa flugi til Gjögurs vegna veðurs,og hefur það þurft æði oft í þessum janúarmánuði.

Að sögn Sveindísar Guðfinnsdóttur flugvallarvarðar og umboðsmanns Ernis á Gjögurflugvelli er snjókomu um að kenna og dimmviðris og einnig  fer veður versnandi og viðvörun í lofti vegna flugs.

Athugað verður á morgun með flug til Gjögurs.

Rúmar 212 milljónir króna koma í hlut vestfirskra sveitarfélaga í áætlaðri úthlutun almennra jöfnunarframlaga til reksturs grunnskóla á árinu 2011.Er þá talin með leiðrétting vegna ársins 2009.Minnst kemur í hlut Árneshrepps eða tæpar 2 milljónir en þar er fámennasti skóli landsins.

Annars er úthlutun til sveitarfélaga þessi í Strandasýslu.

Árneshreppur fær 1.947.312 kr-Kaldrananeshreppur fær 7.647.551 kr-Strandabyggð fær 35.589.143 kr og Bæjarhreppur fær 12.814.037 kr í sinn hlut.

Samgöngu- og sveitarstjórnarráðherra hefur samþykkt tillögu ráðgjafarnefndar Jöfnunarsjóðs sveitarfélaga frá 17. desember síðastliðinn um áætlaða úthlutun almennra jöfnunarframlaga til reksturs grunnskóla á árinu 2011.
Nánar má sjá um úthlutun á vef Sambands íslenskra sveitarfélaga.

Nú á árinu mun fjöldi íslenskra skipa og báta verða búinn AIS tækjum. Þau eru hluti af innleiðingu sjálfvirks auðkennikerfis sem hefur það markmið að auka öryggi skipa og umhverfis og bæta eftirlit með siglingum.

Hér í þessu skjali má finna leiðbeiningar um uppsetningu á loftnetum fyrir AIS-búnaðinn í skip og báta.
Nanar segir frá leiðbeiningum á AIS tækjum á vef Siglingastofnunar Íslands.

Flugi til Gjögurs seinkaði talsvert í dag vegna hvassviðris.

Flugfélagið Ernir er með áætlun frá Reykjavík klukkan eitt en ekki var farið í loftið fyrr enn rétt fyrir þrjú.

Hvassviðri var en fór að lægja uppúr kl 13:00,enn miklir vindstrengir voru við fjöll í suðvestanáttinni og fór vindur oft yfir 21 m/s í kviðum þótt jafnvindur væri oft um 12 til 14 m/s.

Allt gekk svo vel seinnipartinn enda ekki eins miklir vindsveipir við fjöll.  

Í morgun var opnað norður í Árneshrepp,mokað var norðanfrá til Djúpavíkur,tvö snjóflóð voru á Kjörvogshlíðinni.

Hefill mokaði að sunnanverðu til Djúpavíkur,ekki var um mikinn snjó að ræða.

´'Að sögn Jóns Harðar Elíssonar rekstrarstjóra hjá Vegagerðinni á Hólmavík er lítið sem ekkert um vatnsskemmdir á leiðinni norður og innansveitar í Árneshreppi;enda rigndi lítið þar miðað við á Hólmavíkursvæðinu,þótt snjó hafi tekið fljótt upp í hitanum og hvassviðrinu.

Nú er orðið fært norður í Árneshrepp,hálkublettir eru víða og eða yfirborðs aurbleyta.

Fimmtudaginn 27. janúar n.k. verður haldinn opinn fræðslufundur á vegum félagsins Matur-saga-menning. Fundurinn er sá þriðji í röð fræðslufunda á vegum félagsins þennan vetur og fjalla þeir allir um nytjar á villtum dýrum úr íslenskri náttúru, bæði fyrr og nú.

Að þessu sinni verður fjallað um hvernig íslendingar nytjuðu seli til matar, en við Ísland kæpa tvær tegundir sela, landselur og útselur, auk þess sem hánorrænu tegundirnar vöðuselur, kampselur, blöðruselur og hringanóri hafa hér viðkomu í mismiklum mæli.

Pétur Guðmundsson frá Ófeigsfirði, formaður samtaka selabænda og Guðmundur Ragnarsson veitingamaður munu flytja erindi um á hvern hátt íslendingar nýttu seli til matar og hvernig hægt er að nýta selaafurðir á nýstárlegan hátt. Pétur er þekktur fyrir kunnáttu sína á hlunnindanytjum og Guðmundur Ragnarsson er matreiðslumeistari og fyrrverandi landsliðskokkur og býr yfir sérfræðiþekkingu á nýtingu íslenskra villtra dýra úr náttúru Íslands.

Fundurinn verður haldinn í sal ReykjavíkurAkademíunnar, Hringbraut 121 RVK, 4. hæð, kl. 20 til 22. Aðgangur er ókeypis og öllum heimill.
Þetta má sjá á vefnum matarsetur.is

Í vikunni sem var að líða gekk umferð nokkuð vel fyrir sig í umdæminu og án teljandi afskipta lögreglu, þó var tilkynnt um fimm umferðaróhöpp. Miðvikudaginn 19. jan.var tilkynnt um óhapp á bifreiðastæði Menntaskólans á Ísafirði, þar var ekið utan í bifreið og tjónvaldur lét sig hverfa af vettvangi, minniháttar  tjón í því tilfelli. Fimmtudaginn 20. jan. urðu tvö umferðaróhöpp, fyrra óhappið varð á gatnamótum Aðalstrætis og Skipagötu á ísafirði, þar lentu tvær bifreiðar saman, um minniháttar tjón var að ræða í því tilfelli, sama dag lenti bifreið útaf veginum á Ennishálsi á Ströndum, þar var einnig um minniháttar tjón að ræða og bifreiðin ökuhæf á eftir. Föstudaginn 21. jan. var ekið utan í ljósastaur við Holtabraut á Ísafirði, ekki vitað um tjónvald í því tilfelli. Þann sama dag var ekið á ljósastaur á Strandgötu á Patreksfirði, í því tilfelli var ökutækið óökuhæft og flutt af vettvangi með krana. Í öllum þessum tilfellum sluppu ökumenn og farþegar án meiðsla.

Lögregla óskar eftir upplýsingum ef einhver hefur upplýsingar um þau óhöpp þar sem tjónvaldar létu sig hverfa af vettvangi.  Sími lögreglu er 450-3730

Skemmtanahald í umdæminu fór vel fram og án verulegra afskipta lögreglu, en Þorrablót voru haldin víða í umdæminu á laugardagskvöldinu.
Segir í tilkynningu frá lögreglu.

Á vef Landhelgisgæslunnar er vakin athygli á óvenju hárri sjávarstöðu dagana eftir fullt tungl í janúar,fullt tungl í janúar var þann 19, í febrúar þann 18 og í mars þann 19.2011. Flóðspá fyrir Reykjavík gerir ráð fyrir óvenju hárri sjávarstöðu á fullu tungli í janúar, febrúar og mars.Ástæða er til að fylgjast vel með veðurspá og loftþrýstingi þessa daga og jafnframt dagana fyrir og eftir fullt tungl.

Breytingar á veðri valda mismun á útreiknuðum og raunverulegum sjávarföllum því töflur yfir sjávarföll eru reiknaðar út miðað við „venjuleg" veðurskilyrði og meðalloftþyngd sem er við sjávarmál 1013 hPa (millibör). Falli loftvog t.d. um 10 hPa má búast við hækkun sjávaryfirborðs um 0,1 m og öfugt.
Nánar má sjá um sjávarstöðuna á vef Landhelgisgæslunnar.

Að venju taka Strandamenn sér allan janúarmánuð til að velja Strandamann ársins,enda er sjálfsagt að taka góða stund í að velta vöngum yfir því sem vel er gert í samfélaginu. Eftir spennandi og skemmtilega undankeppni þar sem lesendur vefjarins strandir.is tilnefndu fjölmarga Strandamenn ársins 2010. Þá er valið á milli þeirra þriggja sem fengu flestar tilnefningar, en stundum eru þrír reyndar fjórir. Svo er nú, því tveir einstaklingar fengu jafn margar tilnefningar. Valið stendur því á milli fjögurra Strandamanna sem eru eftirtaldir í stafrófsröð: Arinbjörn Bernharðsson, Ingibjörg Valgeirsdóttir, Ingvar Þór Pétursson og Jón Hallfreður Halldórsson.

Nánar á  www.strandir.is