Veðrið í Mars 2011.

Yfirlit yfir veðrið frá veðurstöðinni í Litlu-Ávík.

Mánuðurinn byrjaði með Suðvestanáttum eða Suðlægum fram til 8.mánaðar,síðan Norðan og NA fram til 11.með nokkru frosti.

Síðan gerði Suðvestanáttir aftur fram til 18.Síðan voru Suðvestanáttir eða Austlægar vindáttir á víxl,síðustu daga mánaðar var hægviðri með breytilegum vindáttum.Mánuðurinn var mjög kaldur í heild.Þann 3. gerði Suðvestan hvassviðri og eða storm með miklum kviðum uppí 31 m/s.Þann 6 gerði einnig Suðvestan hvassviðri og eða storm og rok með kviðum allt uppí 30 m/s.Norðan hvassviðri var þann 10.með mjög dimmum éljum.

Þann 14 gerði Suðvestan storm,rok og ofsaveður kviður fór allt uppí 46 m/s og á Gjögurflugvelli mældist kviða í 51m/s.

Tjón varð í Suðvestan veðrinu þann 14,gömul hlaða fauk við Víganes og á Grænhóli fauk járn af hlöðu og gafl.Á Gjögri kengbognaði gömul vindmilla.Foktjón varð einnig á Norðurfirði,þar sem rúður brotnuðu og gámar fuku á geymslusvæði við bryggjuna þar.Vindur náði 12 vindstigum (eldra mæligildi) í kviðum þann 14 mars.

 

Dagar eða vikur.

Meira

Á vef Siglingastofnunar undir hafnir og síðan undir gjaldskrá hafna,í eigu sveitarfélaga án sérstaklegrar hafnarstjórnar, er hægt að sjá gjaldskrá hafna, þar þá meðal gjaldskrá fyrir Norðurfjörð síðan 03-10-1968.

Hafnarreglugerð fyrir Norðurfjarðarhöfn: Í fyrsta kafla segir:Takmörkun hafnarinnar-Norðurfjarðarhöfn tekur yfir Norðurfjörð innan línu sem hugsast dregin úr Bergistanga norðanmegin fjarðarins í Urðarnes sunnan megin fjarðarins.

Í öðrum kafla segir um stjórn hafnarinnar:

Gjöld þau, sem ákveðin eru í reglugerð þessari, skulu renna í hafnarsjóð Norðurfjarðarhafnar og skal honum varið til greiðslu kostnaðar við rekstur hafnarinnar, til þess að gera umbætur á höfninni, til byggingar mannvirkja, er höfninni tilheyra. Hafnarnefnd Norðurfjarðarhafnar skipa þrír menn, sem hreppsnefnd Árneshrepps kýs til fjögurra ára í senn. Hafnarnefnd hefur á hendi innheimtu hafnargjalda og reikningsskil fyrir hafnarsjóð. Kosning í hafnarnefnd skal jafnan fylgja hreppsnefndarkosningum.Hafnarnefnd skal sjá um, að reglugerð þessari sé hlýtt og stjórna hafnarsjóðnum með eftirliti hreppsnefndar.Hreppsnefnd veitir fé úr sjóðnum til umræddra framkvæmda eftir tillögum hafnarnefndar, og ber ábyrgð á sjóðnum sem öðrum eignum hreppsins.Reikningur hafnarsjóðs skal fylgja sveitarsjóðsreikningum og endurskoðast og úrskurðast ásamt þeim.

Í fjórða kafla um lestargjöld segir:

Meira

Föstudaginn 1. apríl  verður opið hús milli kl. 15:00 og 17:00 í Þróunarsetrinu að Höfðagötu 3 á Hólmavík. Boðið verður upp á kaffisopa og vöfflur fyrir gesti og gangandi og starfsmenn segja frá starfsemi sinna stofnanna og fyrirtækja. Ekki er langt síðan Strandabyggð flutti höfuðstöðvar sínar í húsið, en sveitarfélagið rekur nú öfluga starfsemi í fimm skrifstofum á miðhæðinni. Auk þess eru Menningarráð Vestfjarða, Náttúrustofa Vestfjarða, Atvinnuþróunarfélag Vestfjarða, Fræðslumiðstöð Vestfjarða, Verkalýðsfélag Vestfirðinga og Þjóðfræðistofa á Ströndum með skrifstofuaðstöðu í Þróunarsetrinu. Allir sem áhuga hafa eru hvattir til að líta við og kynna sér starfsemina og hina nýju aðstöðu Strandabyggðar. 
Segir á vef Strandabyggðar.

Í vikunni sem var að líða var tilkynnt um þrjú umferðaróhöpp til lögreglunnar á Vestfjörðum. 

Mánudaginn 21. mars valt bíll í Skötufirði í Ísafjarðardjúpi. Ökumaður var fluttur með sjúkrabíl á sjúkrahúsið á Ísafirði. Um minni háttar meiðsl var að ræða. Bifreiðin var óökuhæf og flutt af vettvangi með krana.

Miðvikudaginn 23. mars ók bíll á ljósastaur í Bæjarbrekkunni á Ísafirði, farþegi kenndi sér eymsla og fór á sjúkrahúsið til skoðunar. 

Föstudaginn 25. mars var ekið utan í hjólreiðamann á Mánagötu á Ísafirði. Um minni háttar meiðsl var að ræða.

Þrír voru stöðvaðir fyrir of hraðan akstur í vikunni í nágrenni við Hólmavík, sá sem hraðast ók þar var mældur á 114 km/klst, þar sem hámarkshraði er 90 km/klst. Að öðru leiti gekk umferð vel í umdæminu í liðinni viku.

Sunnudaginn 27. mars var kveikt í strætisvagnaskýli við Hreggnasa í Ísafjarðarbæ.  Ekki var um miklar skemmdir að ræða og telst málið upplýst, um var að ræða unga dregni sem þar voru að verki. Skemmdir voru unnar í anddyri á húsi við Aðalstræti á Ísafirði um helgina, ekki er vitað hver/hverjir þar voru að verki.

Lögregla vill koma því á framfæri að undanfarið hefur borið á því að ungir ökumenn hafa verið  með glannaakstur á hafnarsvæðinu á Ísafirði. Vart þarf að fjölyrða um það hvað gæti komið þar fyrir og vill lögregla biðja foreldra og forráðamenn ungra ökumanna að brýna fyrir börnum sínum, sem komin eru með ökuréttindi, hættuna sem af þessu getur stafað.
Segir í frétt frá lögreglunni á Vestfjörðum.

Samkvæmt MODIS-ljósmynd frá Nasa og upplýsingum frá Jarðvísindastofnun Háskólans þar sem Ingibjörg Jónsdóttir Dósent í landfræði hefur teiknað inn ísröndina, hefur ísinn færst nær, og er nú rúma 21 sjómílu NV frá Straumnesi þar sem hann er næst landi.

Þegar þyrla gæslunnar fór í ísflug á miðvikudaginn 23. mars var ísröndin næst landi á þessum stöðum:56 sml frá Látrabjargi, 38 sml frá Barða, 38 sml frá Kögri og  50 sml frá Hornbjargi.

Samkvæmt ljósmyndinni sem var tekin klukkan 13:22 í dag er greinilegt að ísinn hefur færst nær.

Skip og bátar sem eru á þessum svæðum eru beðnir að láta hafísdeild Veðurstofu Íslands vita um hafís eða jaka.

Kristján Andri Guðjónsson er nú komin á bátnum Sörla ÍS-66 til Norðurfjarðar og er að leggja grásleppunetin í dag.

Hann er sá fyrsti sem leggur grásleppunet sem gerir út frá Norðurfirði.

Ekki er vitað annað enn að báturinn frá Súðavík sem ætlar að gera einnig út frá Norðurfirði komi í dag,og mun því fara að leggja netin einnig.

Ægir Hrannar Thorarensen á bátnum Unnari ÍS-300,kemur um mánaðarmótin.

Jón Eiríksson á bátnum Snorra ST-24 segist leggja um helgina eða eftir helgina ef veður verður þá gott áfram.

Ágætis veður er í dag og gott í sjóinn og,lítur sæmilega út með veður næstu daga.

Tíminn.is, íslenskur fréttamiðill, opnaði nýjan vef sinn miðvikudaginn 23 mars. Vefurinn  www.timinn.is er í eigu Útgáfufélags Tímans ehf, en ritstjóri er Valur Jónatansson sem er Vestfirðingur.
Valur segir í viðtali við mbl.is að stefna síðunnar sé að leggja áherslu á innlendar fréttir. Ritstjórinn segir að Tíminn ætli ekki að fara í samkeppni við stóra fréttamiðla á borð við mbl.is og vísi.is. Er ætlunin að skapa vefnum sérstöðu með mikilli umfjöllun utan af landi. Valur segir að meðal annars verði stuðst við héraðsfréttamiðla við fréttaöflun.
Margir kannast við einkennismerki og nafn vefsins. Valur segir að það sé ágætt að endurvekja Tímann. Lesendur kannist við nafnið.
Framsóknarflokkurinn á nafnið og lénið, en útgáfufélagið leigir það af flokknum. Þessi vefur er þó ekki rekinn af Framsóknarflokknum. „Að öðru leyti er þetta ekki tengt Framsóknarflokknum. Þetta á algjörlega að vera hlutlaus vefur, opinn öllum og óháður," segir Valur,við mbl.
Nánar hér á mbl.is

Í gær fór þyrla Landhelgisgæslunar í ísleiðangur og var flogið norður með Vestfjörðum. Komið var að ísröndinni út af Látrabjargi og henni fylgt til norðausturs.
Var ísinn 7-9/10 að þéttleika og sást greinileg nýmyndun inn á milli þar sem hann var gisnari. Ekki var að sjá stóra jaka eða borgarísjaka í jaðri ísins svo gera má ráð fyrir að hann sjáist ekki vel á ratsjá. Út frá ísröndinni sáust nokkrar ísdreifar og voru teknir staðir á þeim. 
Ísröndin var næst landi:
56 sml frá Látrabjargi.
38 sml frá Barða.
38 sml frá Kögri.
50 sml frá Hornbjargi.

Veður: V 10-23 hnútar léttskýjað og gott skyggni.
Nánar á vef Landhelgisgæslunnar.

Þriðja Húmorsþing Þjóðfræðistofu verður haldið 1. og 2. apríl. Húmorsþingið er bæði vetrarhátíð og málþing um húmor sem fræðilegt viðfangsefni. Það er nú haldið í þriðja sinn á Ströndum.

Á málþinginu munu fræðimenn stíga á stokk og varpa ljósi á nýjustu rannsóknir og miðlun á húmor. Rætt verður um hin ýmsu form húmors, svo sem brandara, uppistand, satíru og íroníu ásamt margvíslegri iðkun þeirra í daglegu lífi. Fjallað verður um húmor sem valdatæki í baráttu þjóðfélagshópa og ýmsar birtingarmyndir húmors í bókmenntum, fjölmiðlum, ljóð- og myndlist. Í sérstakri málstofu verður rætt um húmor jaðars og miðju; þéttbýlis og dreifbýlis; valdahópa og þeirra valdaminni. Nemendur eru sérstaklega velkomnir og stendur til boða að sitja málþingið og skrifa um það námsritgerðir í samstarfi við fyrirlesara. Á meðal fyrirlesara og listamanna verða Íris Ellenberger, Ása Ketilsdóttir, Kristinn Schram, Þorsteinn Guðmundsson, Jón Jónsson, Kolbeinn Proppé, Kristín Einarsdóttir og fulltrúar Mið-Íslands og Uppstöðufélagsins.
Auk fræðilegrar dagskrár verður meðal annars á boðstólnum barþraut (pub quiz) um íslenska kímni, kvikmyndasýning á heimildamyndinni Uppistandsstelpur og heilmikil uppistandsdagskrá. Auk þess verður í annað sinn efnt til grínkeppninnar sívinsælu Orðið er laust.
Sætaferðir frá Reykjavík verður laugardagsmorgun 2. apríl.   
Dagskrá auglýst nánar á næstu dögum. Áhugasamir hafi samband í dir@icef.is  eða í síma 8661940. 
Þetta kemur fram á vef Þjóðfræðistofu.

 

Fréttatilkynning frá FMSV.
Ferðamálasamtök Vestfjarða hafa keypt meirihluta í ferðaskrifstofunni Vesturferðir á Ísafirði. Ætlunin með því er að tryggja öfluga upplýsinga- og sölugátt með skilvirkri bókunarþjónustu sem allir ferðaþjónustuaðilar í fjórðungnum hafi aðgang að. Unnið verður í nánu samstarfi við Markaðsstofu Vestfjarða og vefgáttinn westfjords.is verður einnig nýtt til kynningar og sölu á vöru og þjónustu sem er í boði hverju sinni á svæði Ferðamálasamtaka Vestfjarða.
Með kaupunum mun gefast tækifæri fyrir öflugri samvinnu meðal allrar ferðaþjónustunnar með því að opna einn risastóran markað á vestfirskri ferðaþjónustu og opna sölugátt þar sem hægt verður að versla beint allar þær vörur sem eru í boði í greininni. Gisting, afþreying, ferðapakkar og hvað annað sem vestfirsk ferðaþjónusta hefur upp á að bjóða verði öll á einum stað og viðskiptavinir munu ekki þurfa að velkjast um hvað er í boði í fjórðungnum. Auk þess eiga viðskiptavinir að geta verslað alla þjónustu sem þeim þóknast beint frá Vestfjörðum áður en af stað er haldið. Eins og staðan er í dag þá getur verið frekar flókið að átta sig á því hvað er raunverulega í boði í fjórðungnum og skilaboð eru oft misvísandi.
Meira