Á þriðjudeginum var slökkvilið og lögregla kölluð til að sveitabæ í Önundarfirði. Þar hafði gestkomandi kveikt eld í rusli og var að byrja að brenna sinu. Bannað er að kveikja opinn eld á víðavangi nema með sérstöku leyfi. Slökkviliðið slökkti eldinn, ekkert tjón varð af. Þá var kveikt í ruslatunnu sem er á bryggjunni á innri höfninni á Ísafirði. Tunnan var ónýt, en vegfarendur slökktu eldinn. Þriðja brunaútkallið var svo klukkan 12:59 á laugardeginum. Þar kviknaði í kodda og rúmdýnu í íbúð við Fjarðarstræti á Ísafirði. Minni háttar skemmdir urðu þar. Búið var að slökkva eldinn er slökkvið kom á staðinn, en þeir reykræstu íbúðina. Þá hafði lögreglan afskipti af eldi á víðvangi í Patreksfirði á fimmtudeginum. Þar var bóndi að brenna rusli og rolluhræi, án þess að hafa tilskilin leyfi fyrir hendi. S.l nótt kviknaði svo í mannlausu húsi á Patreksfirði. Húsið er gjörónýtt eftir brunann. Eldsupptök eru ókunn. Málið er í rannsókn hjá rannsóknardeild lögreglunnar á Vestfjörðum.

Í vikunni var ekið á eina rollu og tvö lömb. 7 ökumenn voru kærðir fyrir of hraðan akstur í umdæminu. 29 kærur voru sendar umráðamönnum ökutækja fyrir að leggja bifreiðum sínum ranglega. Þá hafa númeraplötur nokkurra bifreiða verið teknar þar sem lögbundnar tryggingar hafa ekki verið i lagi. Lögreglan á Vestfjörðum hefur að undanförnu unnið ötullega að því herða á ýmsum reglum varðandi ökumenn, s.s. hraða ökutækja, bifreiðum ólöglega lagt, ótryggðum og óskoðuðum bifreiðum ,farsímanotkun og notkun öryggisbelta. Þessu átaki verður áfram haldið næstu vikurnar.

Meira

Bændur hófu almennt slátt í nýliðinni viku sumir strax í vikunni aðrir nýbyrjaðir.

Enn aðrir ætla ekki að halda áfram fyrr enn eftir verslunarmannahelgina,sjá hvort grasspretta lagist ekki enn frekar.Ágætis veður hefur verið í liðinni viku til heyskapar sérlega seinnihluta vikunnar,en þokuloft var í byrjun viku með súldarvott á annesjum.

Grasspretta er mjög misjöfn eftir bæjum,á Finnbogastöðum er spretta léleg.

Búið er að slá og rúlla talsvert í Litlu-Ávík og er það betra enn reiknað var með eða svipað og var í fyrra,enn þá var heyskapur þar miklu minni en árið þar áður.

Í dag er miðsumar og heyannir byrja segir almanakið.

Hitinn komst á Veðurstöðinni Litlu-Ávík í 17,8 stig í gær og er það mesti hiti sem mælst hefur sem af er sumri.

Þriðja árið í röð er Claus Sterneck með sýningu á ljósmyndum sínum í gömlu síldarverksmiðjunni í Djúpavík. Að þessu sinni er sýningin í raun tvískipt, annarsvegar 200+ ljósmyndir („200+ pictures") valdar af handahófi af öllum þeim óteljandi fjölda sem Claus hefur tekið á undanförnum árum á Íslandi, bæði í Reykjavík og nágrenni, sem og í Djúpavík og Árneshreppi. Hinn hluti sýningarinnar er samsettur af ljósmyndum og hljóði því sem í umhverfinu hljómaði á þeirri stundu sem myndin var tekin („Pictures - and their sounds"). Myndin og hljóðið eru tekin á sama tíma og í mörgum tilfellum eru þetta hljóð sem við tökum vart eftir í daglegu lífi. Önnur hljóð eru sterkari og ákveðnari en öll verða þau sérstök þegar hlustað er á þau ásamt því að skoða myndirnar sem þeim fylgja.

Myndirnar á 200+ sýningunni eru allar til sölu og rennur ágóði af þeim til endurbyggingar gömlu síldarverksmiðjunnar. Einnig hefur Claus til sölu bók með myndunum og henni fylgir geisladiskur með hljóðum myndanna. Sýnishorn af myndum og hljóðum er hægt að finna á netinu í gegnum krækjur hér fyrir neðan og meiri uplýsingar um Claus og myndir hans einnig.

Sýningarnar eru opnar alla daga og standa til loka ágúst.

http://www.claus-in-iceland.com/
info@claus-in-iceland.com

Myndir og hljóð:
http://www.claus-in-iceland.com/pictures-and-their-sounds
Á Facebook:
http://www.facebook.com/claus.in.iceland

Sveitarfélagið Árneshreppur hefur nú auglýst eftir aðila eða aðilum til að taka á leigu rekstur Kaffi Norðurfjarðar sem hefur verið rekið í fjögur sumur.

Nú eftir þriðja sumarið hættir núverandi vert Einar Óskar Sigurðsson sem er búin að reka kaffihúsið með miklum myndarbrag þrjú síðastliðin sumur.

Hér á vefnum til vinstri undir Kaffihús til leigu er auglýsingin fyrir neðan Aðalskipulag II og ofan við Fleiri fréttir.

Hér má sjá auglýsinguna.

Lögreglan á Vestfjörðum hefur haft til rannsóknar mál sem hófst með því að komið var með riffil til lögreglunnar. Landvörður á Hornströndum kom með riffilinn sem fundist hafið í Hornvík. Eigandi riffilsins hefur gefið sig fram og gefið skýringar á málavöxtum en vopnið var réttilega á hann skráð. Honum verður afhent vopnið en má vænta þess að verða sektaður fyrir atvikið.

Þessa dagana er lögreglan á Vestfjörðum að skoða skróplista þann sem gefinn er út af Skráningarstofu um skoðun ökutækja. Fyrst í stað verða skráningarnúmer fjarlægðar af ótryggðum ökutækjum. Rétt er að benda þeim ökumönnum á, sem ekki hafa fært ökutæki sín til hefðbundinnar skoðunar, að huga að þeim málum, því þeir geta átt von á að skráningarnúmer ökutækja þeirra verði fjarlægð án frekari aðvörunar.

Lögreglan hefur einnig verið að fylgjast með lagningu ökutækja og hafa nokkrir ökumenn fengið sekt fyrir slík brot. Notkun farsíma og öryggisbelta er líka til skoðunar og mega þeir sem verða staðnir að slíkum brotum eiga von á sekt.

Um tuttugu bátar róa nú frá Norðurfirði.Flestir eru á strandveiðum og nokkrir sem eru með kvóta.

Ágætt fiskirí  hefur verið hjá bátunum og strandveiðibátar hafa oftast komið með skammtinn sinn að landi í hverri sjóferð,en róið er fjóra daga í viku.Þeir sem eru með kvóta geta fiskað eins og þeir vilja þangað til kvótanum er náð.

Allur fiskur er ísaður og fer beint á markað.Strandafrakt sér um alla fiskflutninga frá Norðurfirði og fara þaðan á kvöldin þegar bátar eru búnir að landa.

Bændur hér í Árneshreppi hafa orðið hug á að hefja slátt enn um þetta leyti var sláttur langt komin í fyrra.Grasspretta hefur lagast talsvert síðustu daga eftir að hiti var orðinn loks sæmilegur nú fyrr í mánuðinum eða frá 10 til 14 júlí enda nógur raki í jörð.

Nú á föstudaginn kólnaði aftur með norðlægum áttum og þokulofti og súld með köflum og er spáð fremur svölu veðri fram í vikuna og með einhverri úrkomu.

Björn bóndi Torfason á Melum sló tvö tún í liðinni viku og gat rúllað það á fimmtudaginn,áður en norðanáttin og súldin komu daginn eftir,á þessi tún verður borin áburður aftur.

Eftir þessu mun slætti hér í Árneshreppi seinka í um hálfan mánuð miðað við í fyrra.

Enn bændur munu hefja slátt fyrir alvöru um leið og veður leifir.

Enn er kalt hér á Norður Ströndum algjör vorkuldi þótt júlí sé.

Hitinn á Veðurstöðinni í Litlu-Ávík hefur aðeins farið uppí síðustu tvo daga átta til níu stig hluta úr degi og niður í 4 stig á nóttinni í þokubrælunni.Nú klukkan níu í morgun var aðeins 5,1 stigs hiti í Litlu-Ávík.

Samkvæmt Gagnabrunni Veðurstofu Íslands var kaldast á láglendi á landinu í nótt á Blönduósi 1,1 stig  og á Hornbjargsvita fór hitinn niðrí 3,4 stig.Í Litlu-Ávík mældist lágmarkshitinn eftir nóttina 4,4 stig.

Í gær kólnaði heldur betur í veðri hér á Ströndum og víðar á Norðurlandi.

Í gær var komin norðan og eða norðvestan með súld með köflum og þokulofti.

Í morgun var svipað veður og er spáð eitthvað svipuðu veðri,heldur kólnandi ef eitthvað er.

Kaldast eftir síðastliðna nótt á láglendi var á Gjögurflugvelli 4,3 stig og á Hornbjargsvita 4,5 stig og í Litlu-Ávík 4,8 stig,samkvæmt Gagnabrunni Veðurstofu Íslands.

Svokallaður Flóabardagi fer fram í fyrsta sinn á Ströndum í ágúst. Um er að ræða 60 kílómetra langa leið sem verður hjóluð, hlaupin og vaðin. Keppnin hefst 13. ágúst kl. 10 við kaupfélagið á Norðurfirði þaðan sem hjólað verður inn að Hvalá í Ófeigsfirði. Þar munu keppendur stíga af hjólinu og vaða yfir ána sem er bæði breið og köld. Þaðan verður hlaupið inn Drangavík og þar munu keppendur einnig þurfa að vaða yfir Drangavíkurá.
Þaðan verður lagt á Drangaháls og hlaupið niður að norðanverðu, að Drangabænum, þar sem keppni lýkur. Veitt verða verðlaun fyrir þrjú efstu sætin í karla- og kvennaflokki. Slysavarnafélagið í Árneshreppi verður með gæslu og þjónustu á leiðinni ásamt heimamönnum. Þá verður hraðbátur til taks ef keppendur lenda í vandræðum á leið sinni yfir vöðin.
Þetta kom fram á vef Bæjarins Besta í gær.