Eins og venjulega verða jólaguðsþjónustur um jólin í Hólmavíkurprestakalli,en þetta er mikið svæði að fara yfir og þarf lítið að bera útaf ef veður eru mislind til að sóknarprestur komist til að þjóna hinum ýmsu kirkjum sóknarinnar.; Einu sinni sagði sóknarpresturinn séra Sigríður Óladóttir í viðtali við fréttavef,að hún þyrfti helst þyrlu til að geta sinnt þessari erfiðu og viðfeðmu sókn. En fyrirhugaðar jólaguðsþjónustur sem séra Sigríður Óladóttir hefur sent vefnum verða eftirfarandi í Hólmavíkurprestakalli:

Meira

Vakin er athygli á tilkynningu frá Veðurstofu Íslands vegna slæmrar veðurspár fyrir allt land á aðfangadag jóla.

Lægð er spáð upp að landinu í nótt. Hún dýpkar hratt og veldur sunnan hvassviðri og rigningu sunnantil snemma morguns en slyddu eða snjókomu til fjalla.
Á Vestfjörðum er spáð norðan hvassviðri og snjókomu fram yfir hádegi.

Lægðin gengur norðaustur yfir land og síðdegis er spáð norðvestan stormi með snjókomu á austurhluta landsins. Vindhraði gæti þar farið upp í 23-28 m/s og hviður yfir 40 m/s um og eftir kl. 18.
Landsmönnum er bent á að athuga vel bæði færð, veður og veðurspá áður en þeir leggja í ferðalög á milli landshluta því færð spillist mjög fljótt í veðri sem þessu.

Meira

Síðasta pósti var dreift í Árneshreppi í gær fyrir jól,en síðasta flug Flugfélagsins Ernis var í gær fyrir jól,í ágætisveðri. Næsta flug á Gjögur eftir jól er áætlað á þriðjudaginn 27.desember.

Nú ættu allir Árneshreppsbúar að vera búnir að fá sinn jólapóst,en allmikill jólapóstur kom í gær að venju.

Jón G Guðjónsson tók nokkrar myndir í póstferð sinni í gær í góðu veðri en skýjuðu og vindi af vestri með kuli og vægu frosti
Meira

Leikfélag Hólmavíkur sýnir leikritið Gott kvöld eftir Áslaugu Jónsdóttur um hátíðirnar. Um er að ræða barnaleikrit með söngvum fyrir gesti á öllum aldri og eru leikarar alls 22. Flestir í leikarahópnum eru á grunnskólaaldri, en reynsluboltar úr leikfélaginu taka einnig þátt í sýningunni. Leikstjóri er Kristín Sigurrós Einarsdóttir á Hólmavík. Í leikritinu segir frá hugmyndaríkum strák sem er aleinn heima um kvöld með bangsa sér til halds og trausts, þegar pabbi skreppur að sækja mömmu.
Meira

Fjórðungssamband Vestfirðinga auglýsti eftir umsóknum um  rannsóknarstyrk þann 8. ágúst s.l. Styrkurinn var hluti af verkefni ríkisstjórnarinnar um eflingu atvinnu og byggðar á Vestfjörðum í tengslum við fund ríkisstjórnarinnar á Ísafirði þann 5. apríl síðastliðinn, gengið hefur verið frá samkomulagi Fjórðungssambands Vestfirðinga við Mennta- og menningarmálaráðuneytið um ráðstöfun fjárheimilda vegna þessa verkefnis.
Meira

Veðurstofan vekur athygli á því að talverðar umhleypingar eru í veðri til jóla. Þeim sem ætla sér að ferðast á milli landshluta er sérstaklega bent á að fylgjast vel með veðri og færð áður en lagt er af stað. Rétt er að hafa í huga að veður og færð geta breyst á skömmum tíma til hins verra og hægt er að sækja nýjustu upplýsingar um veður á síðu Veðurstofunnar www.vedur.is og um færð á vegum á síðu Vegagerðarinnar www.vegagerdin.is.

Í dag eru vetrarsólstöður og þá er stystur sólargangur hér á norðurhveli jarðar og eftir það fer daginn að lengja um eitt hænufet á dag.

Hér á Ströndum er nokkuð öruggt að verði hvít jól. Dálítill snjór er á jörð þótt hiti fari yfir frostmark hluta úr degi nær það ekki til að snjór hverfi,eikur bara svellin og hálkuna en nóg er af henni fyrir. Samkvæmt veðurspá fram í tímann verður nokkuð umhleypingasamt fram til jóla og yfir sjálf jólin. Annars er veðurspáin þessi frá Veðurstofu Íslands: Strandir og Norðurland vestra í dag og á morgun:

Meira

Matvælastofnun hefur auglýst eftir dýralækni til að taka að sér almenna dýralæknisþjónustu á þjónustusvæði 2 en innan þess fellur Dalabyggð, Reykjahólahreppur, Strandabyggð, Árneshreppur, Kaldrananeshreppur og Bæjarhreppur. Gerður verður þjónustusamningur við viðkomandi dýralækni í samræmi við reglugerð um dýralæknisþjónustu í dreifðum byggðum.
Meira

Ársskírsla HVE fyrir árið 2010 er komin út en það var fyrsta heila starfsár stofnunarinnar. Eins og kunnugt er, þá sameinuðust átta heilbrigðisstofnanir á Vesturlandi 1. janúar það ár undir heitinu Heilbrigðisstofnun Vesturlands. Í skírslunni má finna stutta lýsingu á starfsemi hinna einstöku starfseininga og tölulegar upplýsingar úr starfseminni, dregnar saman eins og þær birtast í sjúkraskrárkerfum HVE og öðrum gagnagrunnum. Þá fylgir ársreikningur HVE árskírslu.Í aðfaraorðum forstjóra segir m.a. að það sé hans mat að sameining stofnana á vestur- og norðvesturlandi hafi komið til framkvæmda við erfiðar kringumstæður þegar verulega hafi þrengt að í þjóðfélaginu. Meginmarkmið hafi því verið að verja og styrkja eftir megni innviði góðrar heilbrigðisþjónustu í umdæminu í efnahagslegum mótbyr og að verjast frekari áföllum. Ársskírsluna og þar á meðal fyrir Heilbrigðisstofnunina á Hólmavík má sjá hér.

Ný móttaka Veðurstofu Íslands var opnuð þann, 16. desember, að Bústaðavegi 7. Veðurstofan er nú til húsa í tveimur byggingum, Bústaðavegi 7 og eldra húsnæði að Bústaðavegi 9.

Svandís Svavarsdóttir umhverfisráðherra tók nýrri bygginguna formlega í notkun. Lengi hefur staðið til að leysa húsnæðisvanda stofnunarinnar en auk húsnæðis sem tekið var í notkun 1973, hefur stofnunin fram til þessa haft starfsaðstöðu á fleiri en einum stað á höfuðborgarsvæðinu. Fram kom hjá umhverfisráðherra að stefnt sé að því að hefja undirbúning að nýbyggingu fljótlega. Nánar á vef Veðurstofu Íslands.