Yfirlit yfir veðrið frá veðurstöðinni í Litlu-Ávík.

Mánuðurinn byrjaði með góðu veðri með hlýindum fyrstu fjóra daga mánaðar,síðan kólnaði snökt þann fimmta,með lítilsháttar úrkomu,og frekar svalt veður var fram til 20. Þá hlýnaði nokkuð og sæmilega hlítt út mánuðinn. Hafáttir voru að mestu ríkjandi allan júnímánuð. Mjög þurrt var í mánuðinum og tún hafa sprottið lítið sem ekkert og jafnvel eru sendin tún brunnin. Talsvert neysluvatnsleysi var í júnímánuði í Árneshreppi og hefur þurft að spara vatnsnotkun víða,enn alveg vatnslaust hefur verið í Litlu-Ávík frá 5. Júní. Úrkomudagar voru aðeins 9 og þar af varð vart úrkomu í þrjá daga,enn úrkoman mældist ekki,hina dagana sex mældist úrkoman. Yfirlit dagar eða vikur:

Meira

Hamingjan svífur og sólin skín á Hólmavík þessa dagana, en þar eru Hamingjudagar nú haldnir í áttunda sinn. Hátíðin nær hámarki nú um helgina, en þá mætir m.a. töframaðurinn Ingó Geirdal á svæðið með magnaða töfrasýningu, KK heldur ókeypis tónleika fyrir alla gesti hátíðarinnar, Leikhópurinn Lotta sýnir Stígvélaða köttinn, Hvanndalsbræður spila á stórdansleik í félagsheimilinu, Sauðfjársetur á Ströndum heldur sína árlegu Furðuleika og fjölmargar listsýningar verða sýndar. Þá er einnig hægt að fara í gokart, siglingar, Hamingjuhlaup og ýmislegt annað svo fátt eitt sé nefnt, að ógleymdum forsetakosningum sem eru mikilvægur hluti af dagskránni. Heimamenn standa einnig sjálfir fyrir afskaplega fjölbreyttum og skemmtilegum atriðum.
Meira

Skákhátíðinni á Ströndum lauk síðastliðin sunnudag með hraðskákmóti á Kaffi-Norðurfirði. Jóhann Hjartarson vann öruggan sigur á mótinu, hlaut fullt hús í 6 skákum. Jóhann fékk því Krumluna,skúlptúr úr rekavíð eftir Guðjón Kristinsson frá Dröngum í vinning. Guðmundur Gíslason varð annar með 5 vinninga. Góð þátttaka var á mótinu en þátt tóku 32 skákmenn í blíðskaparveðri. Kaffihúsið fyllist og var brugið á það ráð að setja hluta mótsins út.
Meira

Stórmeistararnir Helgi Ólafsson og Jóhann Hjartarson urðu efstir og jafnir á afmælismóti Róberts Lagerman sem fram fór í Trékyllisvík á laugardaginn 23 júní. Hlutu þeir 8 vinninga í 9 skákum. Helgi vann Jóhann Hjartarson en tapaði fyrir Gunnari Björnssyni. Guðmundur Gíslason varð þriðji með 7 vinninga og Jón Kristinn Þorgeirsson fjórði með 6,5 vinning. Gunnar, Hilmir Freyr Heimisson og Óskar Long Einarsson urðu í 5.-7. sæti með 6 vinninga.

Jón Kristinn hlaut jafnframt unglingaverðlaun á mótinu. Ingibjörg Edda Birgisdóttir hlaut kvennaverðlaun og feðgarnir Ingólfur Benediktsson og Númi Fjalar Ingólfsson hlutu verðlaun fyrir bestan árangur heimamanna. 40 keppendur tóku þátt í mótinu sem fram fór í algjöru blíðarskaparveðri í Trékyllisvík.

Meira

Tilkynning frá kjörstjórn Árneshrepps vegna forsetakosninganna laugardaginn 30.júní 2012. Kjörstaður verður í Félagsheimilinu í Trékyllisvík og verður kjörstaður opnaður klukkan 10.00 fyrir hádegi.

Frekar friðsælt var í umferðinni á Vestfjörðum þessa vikuna. Þó var talsvert um að vera í þessari árlegu törn þegar ekið er á búfé. Þessa vikuna var ekið samtals á 8 lömb. Aðeins í einu tilfelli er vitað um gerendur. Aðeins einn ökumaður var kærður fyrir of hraðan akstur þessa vikuna. Þá vöru ökuréttindi eins ungs ökumanns afturkölluð af lögreglustjóra, þar sem hann var kominn með 5 punkta í ökuferilskrá sína. Hann þarf að endurtaka ökupróf sitt vegna þessa. Um hádegisbil þann 21. júní voru þrír bátar staðnir að ólöglegum veiðum, af þyrlu Landhelgisgæslunnar, í Húnaflóa í lokuðu hólfi. Var þeim vísað til hafnar þar sem lögreglan tók á móti þeim. Mál skipstjóranna er í rannsókn, en hald var lagt á afla þessara báta. Klukkan 14.03 þann 23. júní var tilkynnt um slys við nýbyggingu snjóflóðavarnargarðsins í Bolungarvík. Þar valt dráttarvél sem var verið að vinna með við garðinn. Ökumaðurinn slasaðist talsver og var fluttur með þyrlu Landhelgisgæslunnar til Reykjavíkur.
Meira

Undanfarinn misseri hefur Landhelgisgæslan þurft að hafa talsverð afskipti af bátum sem hafa verið á veiðum inn í skyndilokunum. Aðallega er um að ræða minni skipa og báta og þá sérstaklega strandveiðibáta. Í gær voru þrír bátar staðnir að ólöglegum handfæraveiðum í skyndilokunarhólfun í Húnaflóa og var þeim öllum vísað til hafnar og í kjölfarið verða skipstjórar þeirra kærðir fyrir athæfið. Landhelgisgæslan vill brýna fyrir skipstjórum að kynna sér vel skyndilokanir og önnur lokuð svæði áður en haldið er til veiða.
Meira

Eins og fram hefur komið fer í hönd skákhátíð á Ströndum nú um næstkomandi helgi 22 til 24 júní. Til mikils er að vinna á hátíðinni. Sigurvegarar í Trékyllisvík og Norðurfirði fá muni eftir Guðjón Kristinsson frá Dröngum og Valgeir Benediktsson í Árnesi,eins og fram hefur komið áður hér á vefnum. Þá mun sigurvegarinn á afmælis móti Róberts Lagermans fá sersmíðaðan silfurhring, smíðaðan af Úlfari Daníelssyni gullsmið. Á hringinn er greypt með rúnaletri kjörorð skákhreyfingarinnar: Við erum ein fjölskylda. Skákhátíðin í Árneshreppi er alltaf mjög vel sótt og fjöldi gesta auk skákmanna koma á svæðið og horfa á skákina og eða skoða sig um í sveitinni og skoða sérstaka náttúrufegurð Stranda. Hér
Meira

Skákhátíð á  Ströndum 2012 verður haldin nú um helgina og er efnt til fjölteflis á Hólmavík og skákmóta í Djúpavík, Trékyllisvík og Norðurfirði. Von er á stórmeistörunum Helga Ólafssyni, Jóhanni Hjartarsyni og Þresti Þórhallssyni, auk skákáhugamanna víða að. Þá munu mörg af efnilegustu skákbörnum landsins taka þátt í hátíðinni, sem er öllum opin. Fjöldi viðurkenninga og verðlauna eru í boði, m.a. munir eftir tvo af kunnustu handverksmönnum Strandasýslu, flugfarseðlar, sersmíðaðir silfurhringir, silki frá Samarkand, bækur og peningaverðlaun. Hátíðin hefst með fjöltefli á Hólmavík klukkan 16 á föstudaginn, þegar Róbert Lagerman, heiðursgestur hátíðarinnar, teflir fjöltefli. Róbert sem verður fimmtugur nú í sumar er sá skákmeistari sem tekið hefur þátt í flestum skákviðburðum á Ströndum sl. ár. Á föstudagskvöld klukkan 20 verður tvískákarmót í Hótel Djúpavík og á laugardag klukkan 13 hefst afmælis mót Róberts Lagerman í samkomuhúsinu í Trékyllisvík. Heildarverðlaun á mótinu verða rúmlega 100 þúsund krónur, en að auki gefa fjölmörg fyrirtæki og einstaklingar verðlaun. Á sunnudag kl. 13 verður svo hraðskákmót í Kaffi Norðurfirði, sem markar lok Skákhátíðar á Ströndum 2012.

Til mikils er að vinna á hátíðinni. Sigurvegarar í Trékyllisvík og Norðurfirði fá muni eftir Guðjón Kristinsson frá Dröngum og Valgeir Benediktsson í Árnesi. Þá mun sigurvegarinn á Afmælis móti Róberts fá sér smíðaðan silfurhring, smíðaðan af Úlfari Daníelssyni gullsmið. Á hringinn er greypt með rúnaletri kjörorð skákhreyfingarinnar: Við erum ein fjölskylda. Útlit er fyrir góða þátttöku í hátíðinni, sem hefur unnið sér sess sem einhver skemmtilegasti skákviðburður ársins. Ýmsir

Meira

Sveitarfélögin Árneshreppur, Kaldrananeshreppur og Strandabyggð eru öll með heldur þröngan rekstur, en að sama skapi eru ekki miklar skuldir á þeim hvílandi. Þetta kemur fram í skýrslu Byggðastofnunar um samfélag, atvinnulíf og íbúaþróun í byggðarlögum með langvarandi fólksfækkun. Þar kemur fram að tap hafi verið á rekstri Strandabyggðar bæði árin 2009 og 2010, en veltufé frá rekstri lítillega jákvætt. Rekstur sveitarfélagsins er orðið nokkuð þungur, en skuldir og skuldbindingar eru hinsvegar um 85 og því langt undir viðmiði sveitarstjórnarlaga, sem er 150%.
Í Kaldrananeshreppi var rekstur sveitarfélagsins lítillega neikvæður
Meira