Í ýmsu var að snúast hjá Lögreglunni á Vestjörðum um liðna helgi,verslunarmannahelgina. Tvö umferðaróhöpp urðu um helgina  í umdæmi lögreglunnar á Vestfjörðum.  Um var að ræða bílveltu á Bjarnafjarðarhálsi í Strandasýslu um kl.14:00 og önnur við bæinn Ögur í Ísafjarðardjúpi um kl.17:00 í gærdag (5. ágúst).  Meiðsl ökumanna og farþega reyndust ekki alvarleg í þessum tilvikum, enda allir með öryggisbelti spennt.  Í öðru tilvikinu virðist ökumaður hafa sofnað við aksturinn. Hér má sjá nánar samantekt frá lögreglunni á Vestfjörðum.