Á veðurstöðinni  í Litlu-Ávík í morgun klukkan sex voru 23 m/s eða stormur í jafnavind af NNA og mesti vindur var 30 m/s eða ofsaveður. Skyggni var 2,5 km og slydda og stórsjór kominn. Það hefur verið að mestu um og yfir 20 m/s síðan um og fyrir miðnætti þá meira af NA . Enn virðist vera heldur að bæta í vind og veður er að kólna. Veðurspá Veðurstofu Íslands fyrir Strandir og Norðurland vestra í dag og á morgun: Norðaustan 20-30 m/s og talsverð slydda eða snjókoma. Norðan 15-23 í fyrramálið og snjókoma, en 10-18 seint á morgun og él. Kólnandi, frost 0 til 5 stig síðdegis.