Þyrla Landhelgisgæslunnar í Djúpavík. Mynd Eva Sigurbjörnsdóttir.

Þyrla Landhelgisgæslunnar, TF-LIF fór rétt fyrir klukkan þrjú í gær í loftið til að sækja slasaðan sjómann til Djúpuvíkur á Ströndum. Hinn slasaði er ekki í lífshættu en engu að síður var það mat þyrlulæknis að nauðsynlegt væri að sækja manninn. 

Áætlað var að þyrlan yrði komin á vettvang innan klukkustundar. Veðuraðstæður á staðnum voru ágætar. 

Frétt uppfærð: TF-LIF lenti með sjúklinginn við flugskýli Landhelgisgæslunnar á Reykjavíkurflugvelli kl. 17:36.