Frá Norðurfirði í dag.

Tilkynning frá Orkubúi Vestfjarða.

Rafmagn er komið frá byggðalínunni og er Vesturlína komin í rekstur. Breiðadalslína 1 er enn biluð og er varaflsstöðin í Bolungarvík því keyrð áfram. Viðgerðarflokkur er lagður af stað í línuskoðun. Varaaflskeyrslu hefur verið hætt á Hólmavík og á Reykhólum. Hólmavíkurlína hefur leyst út tvisvar í dag en hún hefur verið sett inn jafnharðan. Rafmagn er komið á Króksfjarðarnes og Gilsfjörð og á allt norðan Þorskafjarðar eftir því sem best er vitað. Rafmagn er komið á frá Hrútatungu og að Broddanesi eftir að gert var við Borðeyralínu. Rafmagn er komið á Árneshrepp að Trékyllisvík en enn er verið að reyna að koma rafmagni á Norðurfjörð. Unnið er að viðgerð á Rauðasandslínu á Hænuvíkurhálsi og áætlað er að henni ljúki seinna í dag. Rafmagn fór af Patreksfirði og Barðaströnd fyrr í dag í um 30 mínútur vegna bilunar í rafstöðinni á Patreksfirði við varaaflskeyrslu.

Rafmagn fór fljótlega af Norðurfirði eftir að hún komst fyrst inn um kl. 11:00 og er verið að hreinsa línur og spenna af heimamönnum.