Þá er sauðburður að komast í fullan gang og miklar annir og vökur framundan hjá bændum og þeim öðrum sem vinna við sauðburðin.

Nú er Hvítasunnuhret nýafstaðið hér á Ströndum sem og annarsstaðar sem stóð í tæpan sólarhring.
Það virðist sama hvort Hvítasunnan sé snemma eða seint alltaf koma hret.
Í fyrra gerði hret 24 og fram á kvöld þann 25,en Hvítasunnudagur var þá 27 maí og þá var sett fyrst út lambfé hér í Litlu-Ávík.

Undirritaður er nú að byrja vaktir í fjárhúsunum hjá Sigursteini Sveinbjörnssyni bónda í Litlu-Ávík sem vanalega.
Sjálfsagt verður eithvað lítið skrifað á næstunni nema eithvað mjög brýnt sé um að vera,og jafnvel að ekki verði lesin tölvupóstur hné honum svarað.