Ljósavél.

Rafmagnstruflanir hafa verið hér í Árneshreppi síðan klukkan þrjú í dag. En fyrir fimm er búið að vera rafmagnslaust, en kemur blikk þegar reynt er að setja rafmagn inn. Orkubúsmenn á Hólmavík segja að það gæti verið laust í einangrara í staur, en ekki vitað, rafmagn tollir ekki inni þegar reynt er að setja það inn. Það hefur verið slæmt hitastig fyrir línur, hiti fyrr í dag um 2 stig og slydda og núna komið undir frostmark.

Keyrð er vél hér á veðurstöðinni í Litlu-Ávík til að hafa net og tölvu í gangi til að senda veðurupplýsingar.

Ps: Rafmagn kom á aftur nú kl: 18:13 í bili. Þannig að það er ekki slitið.

Uppfært kl. 19:15: Rafmagnið er alltaf að koma og fara.