Líkamsleifarnar fundust í Kaldbaksvík.

Seint í gærkveldi barst lögreglunni á Vestfjörðum ábending frá ferðafólki að það hafi komið auga á líkamsleifar, n.t.t. beinagrind í Kaldbaksvík á Ströndum.

Lögreglan fór þegar á vettvang.  Kennslanefnd (ID) hefur verið gert viðvart og hafa líkamsleifarnar verið fluttar til rannsóknar hjá nefndinni.  Ótímabært er að gefa frekari upplýsingar um málið að svo stöddu.  Rannsókn málsins er í höndum lögreglunnar á Vestfjörðum og kennslanefndarinnar.