Það snjóaði neðri byggð í nótt,alhvít jörð var orðin í Norðurfirði í morgunsárið. Bændur voru búnir að setja lambfé út á tún þótt kalt og vætusamt hafi verið,vegna plássleysis í húsum,en sumir bændur ráku fé inn aftur í gærkvöldi vegna slæmrar veðurspáar næstu daga. Nú er þröngt á þingi í fjárhúsum bænda hér í Árneshreppi þótt það elsta af lambféinu sé úti í þessu vonsku veðri. Nú er sauðburður langt kominn.

Vegna mikilla anna hefur lítið verið skrifað hér á vefnum Litlahjalla og verður svo áfram. Nú sníst allt um að hugsa um lambfé  í kulda og snjó þótt maí sé að verða langt kominn. Samkvæmt framtíðarspá Norsku (YR) veðurstofunnar er ekki útlit fyrir gott veður fyrr enn 3. júní.