Laugardaginn 7. september klukkan 20:00 verður opnuð sögu-og listasýningin Álagablettir.

Laugardaginn 7. september (þjóðtrúardaginn mikla, 7-9-13) klukkan 20:00 verður haldin kvöldskemmtun í Sauðfjársetrinu á Ströndum. Þar verður opnuð sögu-og listasýningin Álagablettir, auk þess sem flutt verður tónlist og ýmis skemmtilegur fróðleikur. Sýningin mun verða uppi á listasviðinu í Sævangi út næsta sumar. Dagrún Ósk Jónsdóttir á Kirkjubóli hefur haft veg og vanda af undirbúningi sýningarinnar, með dyggri aðstoð föður síns. Mun Dagrún og þjóðfræðingarnir Rakel Valgeirsdóttir og Jón Jónsson miðla fróðleik um álagabletti á opnunni.

Frítt verður inná skemmtunina sjálfa og sýninguna, en á boðstólnum í Kaffi kind verður dulmagnað kvöldkaffi sem kostar 1000 kr. á mann. Allir eru hjartanlega velkomnir!