Hið nýja hús Strandasólar.

Björgunarsveitin Strandasól í Árneshreppi á Ströndum fagnar 40 ára afmæli á þessu ári. Af því tilefni verður haldinn afmælisfagnaður og reisugildi á morgun laugardaginn 15. nóvember í félagsheimilinu í Trékyllisvík. Nýtt merki Strandasólar verður einnig afhjúpað.

Afmælisfagnaðurinn og reisugildið hefst í nýja húsinu kl. 14:00 og er öllum velunnurum Strandasólar boðið að koma og fagna með okkur þessum merka áfanga og skoða nýja húsnæðið. Að því loknu verður haldið í félagsheimilið þar sem boðið verður upp á kaffiveitingar.